مين أنا ؟؟؟




اسمي / أورانوس ، وللي ما يعرف أورانوس هو كوكب بعيد نوعاً ما
وأرجو من الجميع كتابته بالسبيلينق الصحيح مو اورانس ولا ارانوس ولا غيره


عمري / 30 ..
يا الله قد ايش كنت خايفة من الثلاثين ذي
بس دحين أعشقها
لأنها غيرتني كثيييير وأحس اني نضجت منجد
صرت مكبره عقلي على حاجات كثير
وما أهتم بأدق الأمور ولا أتعب نفسي عشانها
اللي يجي حياه واللي يروح الله معاه
في النهاية مالنا غير أعمالنا تشهد علينا

المهم نكمل السيرة الذاتية ..



هواياتي /
أحب الطبخ .. لو تشوفوا اش اتابع في اليوتيوب والانستقرام والسناب كله طبخ x طبخ !
وكم حساب حقت تنظيم وترتيب وأفكار منوعه < ماتعيش في مكان مكركب وفوضوي تعصب علطول
لازم ارتبه وأعطره وبعدها أروق

من هواياتي كمان الرسم .. وهذا الشيء سحبت عليه من يوم جبت أطفال
صرت بس أرسم لهم عشان يلونوا ويهجدوا ويبطلوا ازعاج
أو أرسم لمكان العمل حسب المطلوب
نفسي أسوي لوحات كبيرة وأعلقها في بيتي


مصممه .. ديكور وغرافيك وفتحت بزنس صغير لهذا الشيء
بس موقفته مؤقتاً عبال ما تترتب أموري من جديد


التصوير .. عندي ملفات صور في كل ملف تقريباً 4000 صورة
مستحيل يمر يوم بدون ما أصور !
وعندي أنواع العدسات والاضاءات وكتب التصوير
باختصار كل حياتي مصورتها ومحتفظه بيها
بس ما أنشر ولا أفكر أنشرها
ولا أحب أوثق اللحظات في سناب او انستقرام مثلاً
لأن هذي حياتي أنا محد له صلاح فيها


هذا باختصار عن هواياتي ..


عندي قوانين في حياتي أمشي عليها
ولكن يوجد مرونة في حال حلّ طاريءٌ ما


برجي / العذراء



.