قبل نتفارق سطرت لك يميني

آخر رسالة حب أودعك فيها

هذا قدرنا بالهوى صدقيني

الأيام ما تمشي على ما نبيها

ودعتك الله وان قسيت اعذريني

واعيوبي اللي تعرفين استريها

وان كان عذبتك معي سامحيني

وانسي ذنوبي الاوله واغفريها

أبذكرك دايم وأن رحلت اذكريني


وأبيات شعري عن هواك اكتميها

أبذكر أنك كنت أحلى سنيني

وأيامي الحلوة معاي اذكريها

الأبيات يا روحي لها جرح فيني

الا ذكرتي حبنا طالعيها

هذا وداع أخير بينك وبيني

يا من حياتي كلها في يديها

هذي حروف سطرتها يميني

قبل انتفارق قلت أودعك فيها