تعرفون الملحقات العائلية ؟؟
اكيد تعرفونهم !!
المحلقات العائلية هذولا عيال الاخوان والخوات وحتى أولاد الشخص وبناته كلهم يعتبرون ملحقات عائلية
واحيانا الاحفاد اذا العائلة مستصحة ماديا وصحيا تلاقي الواحد عمره 25 وجدّ وساكن لحالة
انا أجدادي الله يرحمهم انقرضوا انقراض شامل ،،، واحد منهم اخبره وانا صغير جدا
اصلا عيالهم مهدين بالانقراض
المهم احد الملحقات العائلة نتش ( فعل نتش ينتش نتشاً وغالبا النتش
يكون بمقدمة الاسنان اللبنية ) نتش احدهم زر حرف الميم من الكيبورد وصار معلق مع نصه
>>> عاد ان لقيتوا كلمة غير مفهومة حطوا فيها حرف الميم بمعرفتكم وتضبط الامور
قبل شوي رجعت على كلمة ( لحقات ) وعدلتها ( ملحقات ) وكل هذا بسبب النتش
احد الملحقات العائلية قطعة من قلبي
لكن طبوعها ماش
عمرها اقل من سنة
ودايم اذا بكت وانا موجود اخذها واعطيها حنان استقراطي
وصارت اذا بكت تناظر لي وتمد يدينها واخذها
المهم
قبل شوي مسكتها ووقفتها عندي وانا جالس ( طبعا ما توقف ) وغفلت عنها للحظة وطاحت من بين يديني
حاولت اتدارك الوضع وسقطت على خشتها
المشكة ماهي الطيحة
والا كل يوم هي تطيح
المشكلة انها يوم طاحت تناظر لي باستغراب وشلون اللي افزع اليه وقت الطيحات هو يطيحني
عاد هالحين اخليها تكتب لكم تعبيرها وامتعاضها عن الموقف اللي صار
المايك معاها :
بي
2ض ووعةنة ل65لرر 4 نجحخ شئقشثثثثثثثثثصسلءبيء