يعطيك العافيه آخي آمير ع هالموضوع الرائع والمميز

آول مره فتت المنتدى // كانت سنه 2014
آسمي وقت التسجيل // تاتيانا
آول منتدى تسجلت فيه // منتديات عالم الرومانسيه
سبب دخولي // قسم ستاراك وبالذات بروكرام (ستار آكاديمي)

لآني وقتا كنت شغوفه ببروكرام (ستار آكاديمي) وكنت بتابع كل برايمات البروكرام وآخر خبرياتن
وكنت مخصصه tv الصالون وخاص ع قناه ستاراك 24/24
وتسائبت شي مره ماعرفت آسامي النومينيز (وكان في عطل بقناه ستاراك)
كرمال هيك جربت آعرف الاسامي من النت وتحريت من الموضوع
آول موقع طلعلي كانت رورو (منتديات عالم الرومانسيه) ودغري قسم ستاراك

بعد مافتت عليه كــ آني بكوكب آخر (لآنو هيدي آول مره آشوف المنتديات ومواضيعو ومشاركاتو )
وقسم ستاراك تبع رورو كان كتله من النشاط والحماس و24 ساعه في مواضيع وآعضاء
آكشنات وتحديات ,, تغطيات ومرات خناقات ,, يعني آي شخص جديد حابب يفوت ع هيك عالم !!
فما بالك بشخص متلي من هواه المغامره والبحث عن آشيا جديده !!
عجبني التجربه خاصتا {كنت بلآساس فايته كرمال آني من عشاق صوت النجم الكويتي (عبد السلام الزاييد)}

وبعد فتره قصيره تعرفت ع رواد القسم ,, وآنشهرت بسرعه البرق
(بصراحه كنت مستغربه ومندهشه كيف كل هالرواد عم يعرفوني وآنا لساتني جديده)
ومن محبتي للبرايمات ستار آكاديمي وموهبتي في تغطيه هالحفلات , الآعضاء عجبن كتير شغلي
ومن آسبوع لـــ آسبوع كانو عم ينطرو تغطياتي الفنيه والتقنيه للحفلات ع آحر من الجمر
وكل تغطيه من تغطياتي كانو عم يطيرو المشاركات و عدد الصفحات بالمئات
من كتر وقوه المشاركه والتفاعل وكنت اخصص وقت طويل كرمال اجاوب وارحب بكل الاعضاء

وبعد ماخلصت سيزن ستاراك فتحت موضوع وداعي لنجمي المحبوب
(الفنان عبد السلام الزاييد) وكان آسمو محدا بيعبى مطرحك بقلبي
وكنت بنزل فيه صورو وجديدو وترينداتو , وكلشي بيخص عبد السلام

وبعد فتره رواد قسم ستاراك كانو عم يزورو موضوعي , لآني كسبت قاعده جماهيريه واسعه بالقسم
ويوم ورا يوم آجتمعنا آخوات وآخوان من كل البلدان على محبه الله والاخوه الصادقه (آفراد عيله العز)
(كنت آنا متل المزهريه يلي جمعت آزهار من كل الآلوان والانواع والعطور وصاحبه البيت يلي بترحب بالكل)
وآكراما لالهن قررت آغير عنوان موضوعي الى (بيت العز)
يلي كانت آشهر مواضيع قسم ستاراك ومنتدى عالم الرومانسيه بآكمله
طبعا تفاصيل بيت العز طويله وكثيره وحكيت فيهم بمدونتي بفقره (آبواب ع عالم رورو)
ومن دواعي سروري وفخري آنو آغلب هالاعضاء موجودين هون معنا بهالمنتدى الجميل
(وع راسن صديقتي الصدوقه وآختي الحبيبه (عطر الندى))

ومن بيت العز وقسم الستاراك , آنا وكل آفراد بيت العز آنطلقنا الى باقي آقسام منتديات عالم الرومانسيه
ومسكنا آهم الأقسام وصرنا مشرفين عليه , وآنا كنت المشرفه العامه ع 5 آقسام
لوقت ما تم آقفالو آوكتوبر هالسنه بسبب آهمال الاداره وتركه للمنتدى من سنتين ...... يتبع