ً
ً
قالت انا كلي حلالك
وكل ما تبغى يصير
بس المهم ابقى انا لك
ومصيرنا نفس المصير
ً
قلت انتي يا قلبي غناتي
انتي القمر وانتي الشروق
انتي اللي احتاجك لذاتي
وانتي اللي لا شفتك اروق
ً
قالت وانا مثلك ويمكن
فوق اللي تتصور اكون
يمكن انا ما احكي ولكن
في داخلي احضنك كون
ً
قلت انتي يا عمري سعاده
وفي داخلي ما لك شريك
ما رحت ادور لي زياده
يكفيني انك لي وابيك
ً
قالت كفى مالي استطاعه
حروفي ما تقوى تقول
تدري بقلبي والتياعه
وانك بقلبي ما تزول
ً
قلت اشهد انك فوق وصفي
يا كل كلـي وكل نـور
ومهما حكى المعنى بحرفي
تبقين لي احلى شعـور
ِ