الله يديمك آخي رايق منور السفره
والف صحه وهنا ع قلبك نشالله تذوقن باقرب فرصه
آنبسطتت آنو الاطباق المطبخ الكوردي نالت آعجابك وبتلاقيها الاشهى هيدا من ذوقك
شكرا لمرورك الآنيق وآعجابك بمائدتنا

بخصوص الآطباق الكورديه يلي ذكرتن :-
~ شفته ... لحم مفروم يتعجن مع البهارات والكرفس وبعدين يتم قليو (كتير لذيذه)
~ شاتو برياني او بردا بلاو ... برياني مع حشوات البطاطا واللحم والبزاليا واللوز والجوز والشعريه يتم تغطيتو بطبقتين من الخبز من الأعلى والاسفل وبعدين يدخل الفرن (كتير كتير شهيه)

~ قارا خارمان ... قمح مشوي يتم خزنو كنوع من الحبوب , وبطبخه القارا خارمان ينطبخ متل البرغل
يكون لونو آخضر وطعمو كتير طيب بس شوي تقيل
~ دولمه اللهانه ... متل محشي ورق العنب , بس بدال ورق العنب يتم آستبدالو بآوراق اللهانه
وينطبخ مع آجنحه الدجاج مع البهارات الخاصه بالدولمه (طعمو بيعقد)

~ القاوارما ... لحم يتم طهيو جيدا بعدين يقلي مع الفلفل الأسود والروز ماري وبس يستوي يسكب عليه الخل يطلع حامض ومقرمش وكتير شهي
~ كفته ... آكله الطبقه الخارجيه تبعو يتكون من الرز المعجن مع البهار واللحم المفروم , والحشوه تبعو متكونه من اللحم المفروم واللوز والكشمش وع الاغلب يكون شكلو مدور وينعمل بلايد
وكفته صابونكاران هيا الكفته المستطيله الكبيره نفس مكونات الكفته المدوره بس القالب تبعو مستطيل