توّي عرفتك زين يا حضرة الوقت
عرفت طبعك يوم عرفي كفاني

مرة أنا مع طيف حظي تعانقت
وهمّيت تقتلني وتقطع لساني

ومن بعدها لمّيت قلبي وفارقت
وبنيت حلمي في سهيل اليماني

لقيتك تساعد على اللّهو والمقت
وبسرعتك تسبق جميع الثواني

واليوم جئتك لا تحسب إنّي اشتقت
ما عاد قلبي يحتمل جرح ثاني

جئت أتبرى منك من بعد ما فقت
خلاص أنا لله مطلق عناني

وقبل الوداع أقول يا وقت يا وقت
أنته خبيث الطبع رجلٍ أناني

لا تحسبنّ إنّك عليه تفوّقت
أنا بدونك عايش أمن وأماني