07-09-21, 12:21 AM
|
#30 |
| آنثــى من عــالـــم الخيـــال | | | | | | | | | | | | | | | | الهوايه » السفر بين عالم المعرفه وروائع الطبيعه | | | | | | | | | | 
 |  | |  | | الفيلسوف
1*الأسرار الأكثر عمقا تسكن الأشياء الطبيعية الأكثر بساطة.
العمق والبساطه هل تجدى ان هناك تشابه ام تضاد
تاتي
صحيح في تشابه قوي وعلاقه طرديه بين العمق والبساطه
لأنو غالبا أعمق وأجمل الأسرار يختبئو ويكونو الوجه الثاني من الأشياء البسيطه
وهذا من حكمة رب العالمين بأن يضع آعمق آسراره في آبسط الآشياء وآصغر الكائنات
حتى آكبر عدد من البشر يتوصلو لهالخبايا ويزيد من آندهاشهم
ويحثهم على عمليه البحث والاكتشاف بكل شيء يدور حوالينا
تعقيب واسئلة
* أنا أتفق أن البساطة سر الجمال لا اختلف بالعكس أنا معكما ،،، العمق والبساطة هل معنى ذلك يا تاتي الله يضع سره بأضعف خلقه، وهل لامستي تجربة فعلية تؤكد هذا المعنى
؟؟؟
آكيد دكتورتنا الرائعه ,, ولنا في النملة والنحلة آجمل الآمثلاتوآوضحن للجميع
شخصيا كم مره حاولت احط حلا قدام النمل بس هني طنشوني وكملو نفس المسار يلي مشو فيه
تــ يوصلو للمجمع تبعن
والنحلة هي مهندسة بالفطرة ,,, مندون لا تعليم ولا جامعات بيعرفو يبنو وسصنعو خلايا سداسيه
آذا بتقيسي آضلاعن بيطلعو كلن نفس الطول ومافي ولا مليلمتر زيادة او نقص
ودودة القز كيف بتتحول لفراشة جميله ,, وكتير من المخلوقات الرائعه
البساطة الطبيعية و العمق، الطبيعة بها العديد من الأشياء الطبيعية أي الكائنات أو الأشياء تصنفها تاتي بالطبيعي ذو وجهي البساطة والعمق معا
؟؟؟
بعض الكائنات وصفتن فوق , آما بخصوص الآشياء الطبيعية ,, متل البحار والجبال
تنيناتن عمقن تحت الآرض والجزء المخبى آكبر وآوسع من الظاهر
هيدول جزء من الروائع يلي صنعن ربنا سبحانه وتعالى ويخلونا نتأمل ونفكر فيهم
ونسأل حالنا شو في آسرار بعد مخبى عنا ؟؟ وربنا ظهر منن آجزاء تــ يلهمنا ع البحث والآستكشاف
* متى ترى تاتي الأمر سطحي وتافه ولا يتميز بعمق،،، مثل الطبل منفوخ دون محتوى فعلي
؟؟؟
- الآشيا الصناعية يلي من صنع البشر ,, البعض منن يتسم بالسطحيه والتفاهه
متل : مواضيع وكتب ومجلات الهدف منن الربح والاثارة جوهرهم فارغ وماالن معنى
- بعض المناهج الدراسيه والمواد يلي بيندرس مالن أي استفاده
- بعض العلاقات الانسانيه يلي مبني ع مصالح ,, متل تملق الموظف لمدير
* هل تتمعن تاتي بتفاصيل الأمور
؟؟؟
نعم , عندي خاصية التمعن والتدقيق في التفاصيل بشكل عام
بس آكتر شي بتمعن بتفاصيل الاشيا يلي بيستهووني وبيلفتو نظري
* تاتي سؤال هل الفواصل في هذا الموضوع من اختياركِ
؟؟؟
هههههه تؤبريني ع هيدا السؤال الرائع
وقت فتت ع موضوع آخي محمود وطلب مني آني اضيفلو عنوان الحلقة
آنبهرت من دقة آختيارو وذوقو الرومانسي بآختيار فاصله من النوع يلي بيتعجبني ولابقتلي كتير
آنا كمان آندهشت متلك ,, وهيدا فعلا من آبداع فيلسوفنا
* ابنه كوردستان الغالية، هل كل معقد مرفوض في الحياة
؟؟؟
تسلميلي يا آبنة ودرة قطر المضوية
المعقد مش مرفوض وانما صعب آنو آغلبيه البشر يتقبلوه ويتفهمو تعقيداتو
ويتصرفو معو متل ماهوى بيتوقع منن
هون الشخص المعقد بيعاني لوحدو وآكتر من الكل
بس وقت يتعامل مع آشخاص بيفهموه بيكون الآمر سهل
* متى يكون المعقد قمة في العمق
؟؟؟
لما يكون هالمعقد فيلسوف كبير آو عبقري خارق فوق العادة
وقتا آغلب البشر مابيهمو عليهم ومابقدرو يستفيدو من مواهبهم ونصائحهم
لآنهم عم يسبجو بآتجاه موازي لآتجاه فهم الناس
* هل ما تصنعه أيدينا يخلو من الأسرار، على سبيل المثال: أنتِ مهندسة تتعاملين مع المصنع من الأشياء هل تخلو الأشياء الصناعية من العمق والبساطة
؟؟؟
بعتقد آنو الآشياء يلي من صنع أيدينا ومن الأشياء الصناعيه , بيكون تأثيرن هو البارز في الموضوع وليس آسرارن , بحكم انو كلشي بيكون واضح وبطل يكون في اسرار
لهيك بيتحول الآندهاش من آكتشاف الآسرار الى آندهاش من مدى تأثيرنا على الناس وقدرتنا على خطف اعجابن
وتـــ جيبلك مثل حي وحقيقي رح بحكيلك عن احد مشاريعي وتجاربي
وقت بنفذ مشروع جسر عملاق ,, بشوف تأثيرا ع الناس ولا اراديا بيخطف اعجابن
وقت بيعرفو انو مهندسة شابة نفذت المشروع
* لو قُدر لتاتي أن تصنع شيء أو مخترع ماذا سيكون؟ لماذا؟
ياريت لو كان بآيدي عصا سحريه آو فانوس علاء الدين السحري آو بساطو
تـــ سافر لكل بقاع الآرض وأشبع هوايتي والهامي بأكتشاف الطبيعه
منرجع بقا للجديه ولصلب الموضوع
لو كان فيى آخترع شي كنت آخترعت مواد آنشائيه أقتصاديه ومتينه بذات الوقت
حتى آقلل من تكلفة البناء على المواطنين
وكل شخص بيقدر يبنى بيتو متل مابيتمناه ومندون مايكون قلقان من البادجت العالي يلي بيروح لبنائو
* تاتي الإنسان الكائن الحي الذي أراه متنوع لا يمكن تصنيفه تحت بسيط أو معقد لأنه قد يكون بسيط وعميق أو بسيط وسطحي أو معقد وعميق إلخ إلخ ما وجهة نظركِ تجاه هذا الموضوع
؟؟؟
بوافقك الرائي دكتورتنا فعلا آغلب البشر هما خليط من هالآنواع
بس فينا نقلل التعقيد ونزيد العمق ونضل ع بساطتنا
كرمال الحياة جميلة وبسيطه ومابيستاهل نعقدها بزياده
وكرمال يلي حوالينا يفهمونا ويدعمونا ونكون مفديين لهم
* من هو الإنسان الأقرب لقلب تاتي كطبيعة معقدعميق / بسيط\ عميق وهكذا
؟؟؟
آكيد الآنسان البسيط والعميق
* كيف يبدو ذلك الإنسان القريب من المثالية " أبرز صفاته/ و و و
؟؟؟
مع آنو مش مطلوب من الآنسان انو يكون مثالي جدا
لآنو بالنهاية نحنا بشر ومش ملائكة
والمثاليه بيتطلب آنك تحط اولوياتك ع جنب وتفكر بس بلاخرين
وهيك رح تضل تحت ضغط وتوتر دائم ,, في سبيل أرضائهم
والمعروف انو رضا الناس غاية لا تدرك !
لهيك آفضل شي الآتزان بين الآتنين
الآنسان الحقيقي والناجح هو يلي بيساعد الاخرين وبيهتم بأمورو كمان
| |  | |  |
دكتورتنا الرائعه هيدي اجوباتي ع البارت الآول من آسئلاتك باللون التوركوازي |
|
|
|