يارب أنا راضي المقسوم
صابر ولو طاحت العبره
متأمل الجاي فيه غيوم
عبدك فلا ينتهي صبره
الكسر فيني لو إمية يوم
من أمرك بثانيه / جبره
وبأمرك تراني قوي عزوم
يمرني الياس واعبره
والحظ لو هو معي معدوم
ماقلت من قلت الدبرة
أطيح وأرجع وأرد اقوم
يكفيني أخذت لي خبره
ومن طعنة الخنجر المسموم
قويت وعزومنا جبره
واللي فدربي يرش سموم
ماهو بهمي ولا اعتبره
وقلبي لو انها غدى محروم
صامل لياجيت بختبره
ان عاش فعله عليه وسوم
وان مات ماله سوى قبره
وان غاب لاتكثرون اللوم
خلوه ينزف لكم حبره
السيل لاابطى وراه علوم
إبطاية السيل من كبره