منتديات مسك الغلا | al2la.com - عرض مشاركة واحدة - الناقد والفيلسوف الحلقه 2 مع ŢαŢμαŊα( انثى اسثنائيه )

**ŢαŢμαŊα** · 09-03-21, 05:28 PM

المشاركة الأصلية كتبت بواسطة الدكتورة

الأبواب وتاتي

* بعض الأشخاص ينظر لباب قديم،، ما تفسير ذلك
؟؟؟

يمكن خلف هيدا الباب يكون في امنيات او ذكريات غاليه ع قلوب هولى الاشخاص
وكمان في ناس عندن النوستالجيا (الحنين الى الماضي) كتير عاليه
لهيك لا اراديا بيرجعو للذكريات والمحطات القديمة من حياتن

* الاطلال قد تمثل الأطلال،، صعب تغييرها فما وجهة نظر تاتي
؟؟؟

هيدي حقيقة دكتورتنا
وجمال وسحر الاطلال في كونها آطلال
وهي أشياء آو أماكن من زمن الماضي الجميل
عشنا فيهم ومعهم آجمل المشاعر والذكريات

ومع آنن من زمن الماضي بس صارو مرقد روحاني للشخص
بين الاونه والتانية بيعود لالو ... يمكن يكون مشتاق لهيدا الزمن بالذات
او حابب يرجع يعيش نفس المشاعر يلي عاشها مع الاطلال

* الأبواب تحتاج مفاتيح،، مثل القلوب تماما،، فكيف حصلت تاتي على مفاتيج أبوابها التي نالتها
؟؟؟

تحليلك وتشبيهك رائعين دكتورتنا
مفتاح كل باب بأسمو او مرادف لالو او بكلمة بتودي الو
يعني باب الامل بينفتح بمفتاح الايمان
باب العمل بمفتاح الأجتهاد والمثابرة
باب الأصدقاء بالوفاء والاهتمام
وهكذا ..........

* ما هي الأبواب التي تنتظر تاتي
؟؟؟

بالبداية توسيع باب النجاحات لآستقبال المزيد من النجاحات ع كافة الاصعدة
وباقي الأبواب يلي ناطريني
باب التفوق العلمي والعملي
باب كسب المزيد من المعرفة
باب الاستقرار وتكوين العائلة الصغيرة والارتباط بشخص أستثنائي رائع
بيقدر مزايا ومواهب وآمكانيات تاتيانا ,, وبيزيد من قوتها ونجاحاتها وسعاداتها
وبيكون آفضل زوج لالها وآفضل بي للولادها

وراكِ سكة سفر " أحب اسمع ذي الجملة"

معك حق دكتورتنا مافي آحلى من السفر
وبعرفك أنتي كمان من عشاق السفر ومن أروع رفقات السفر

ع فكره دكتورتنا
الــ سفر غير السفر وغير معناه في (سفر التكوين)
بتعني باللغة الكوردية رقم (صفر)
وبنكتبو وبنلفظو بالسكون ع حرف السين

المشاركة الأصلية كتبت بواسطة الدكتورة

https://www.al2la.com/vb/2047695-post280.html
* يعتبر بعض البشر معوقات تحول دون الوصول للأبواب،، ما الذي جعلهم مستهينين
؟؟؟

آحيانا النرجسية او التصور بأنهم الأفضل دائما في كل المجالات
لهيك من الطبيعي أنهم يحاولو يزعزعو ثقه الأشخاص الطموحين بأنفسهم وأحلامهم
ومرات يمكن يكون الغيرة الشديدة

وبخصوص العائله / يكون السبب من الفرق في التعامل من الإباء تجاه الأولاد
وإظهار محبتهم ودعمهم وثقتهم لولد واحد بين الكل
والعكس صحيح مرات يكون التنمر من قلب الاسرة ومن الجميع ضد شخص 1
وهيدا اكتر شي بيضهر في مجال الزواج او اختيار تخصص معين على غير هوى الاهل
لهيك من البداية الاهل بيزهقو من اختيار ابنهم او بنتهم
بأنو هيدي الدراسة او الزواج من هيداك الشخص بيكون مصيرو الفشل

* اولئك البشر دخلوا الحياة من باب الرفقة،، ما الذي جعل اعمى الشخص عن ادراك مبتغاهم
؟؟؟

لانو متل مابيكون الحب اعمى ... مرات الصداقة الشديدة بتجلب العمى كمان
مرات الشخص بيعرف او صديقو بيغير منو او مابيتمنالو الخير
بس بيتغابى وبيتعمى بأرادتو كرمال مايخسر صديقو
خاصتا اذا كان هيدا الصديق ... صديق الطفوله او الأوقات الصعبة
وهيدي مشكلة الحياة انو بعض الناس بيتغييرو ومابيضلو بنفس الوفاء والنقاء مع اصحابهم

متى ينكشف ما وراء الأبواب هنا
؟؟؟

للأسف بعد مايوقع الفاس بالراس يلا ينكشف النوايا السوده
ودائما الأشخاص الطيبين بيكونو ضحايا طبيتهن وثقتهن بلاخرين
وبيدفعو اكبر ثمن ,, والاسوء انو البعض منهم بيفقد الثقه بكل البشر
والافضع انو مرات الشخص الطيب بيتحول لشرير وبيحاول ينتقم من باقي الطيبين
متل (ملافيسنت) بس هيدول بلاخر رح يرجعو لاصلهم لانو معدنهم طيب

https://www.al2la.com/vb/2160885-post456.html
متى نحتاج لطرقات شديدة على الأبواب للننهض
؟؟؟

دائما نحنا محتاجين للصحوة والنهوض
لآنو الانسان بطبيعتو بيميل للخمول والكسل
خاصتا بعد ماينال اول مراد او بيحقق اول انجاز لالو ,, بيفكر انو مشوار النجاحات سهل

https://www.al2la.com/vb/2175177-post492.html
كيف تصفين الوقوف عند هذا الباب
؟؟؟

حزينة ومفرحة بذات الوقت
مفرحه لانو عشنا ذكريات جميلة
وحزينة لانو المشاعر والاشيا صارو ذكريات ومالن موقع في حياتنا الواقعيه

* كيف نتجاوزه ونعي أهمية الحاضر
؟؟؟

دائما لازم نهتم بالحاضر لآنو وحدو بيثبت وجودنا وكينونتنا
الماضي مرق والمستقبل بأيد الله
ونحنا ماالنا غير الحاضر والواقع
لازم ع القليل نحاول ان نقضي أوقاتنا بأشياء نافعه مانندم ع ضياعو بعدين

https://www.al2la.com/vb/2428723-post906.html

*كيف نتجاوز هذه الأبواب
؟؟؟

بالتوازن بكل مجالات حياتنا
لاتكون صلبا فـــ تكسر ولا تكون لينا فـــ تعصر
آسعد آنسان هو يلي بيقدر يحقق التوازن والثبات الداخلي والخارجي في حياته

وبما انو الخوف والحب تنيناتهم بيشوشو الرؤية وبيعمو البصر مؤقتا
لازم وقت نوقع في الجالتين انو نتذكر هيدي الحقيقة
وع هالاساس مانتمادى من الخوف ولا نتجاوز حدود الحب كرمال ماننخدع ومانضيع اكتر

* متى نعجز عن تخطي تلك البوابات
؟؟؟

عندما يكون درجه الحب قوية جدا والشخص المقابل بيطغي ع حياتنا
بيصير الانسان يلغى حالو ويكون كل شي فيه كرمال ولعيون المحبوب
ومش بس العين بيخدع , كمان العقل بيخدعو وبيصور لالو المحبوب بصورة كاملة مكملة
وانو هو الشخص مافي منو بالدني ومابيصير نستغنى عنو

وايضا عندما يكون درجه الخوف شديدة بحيث الانسان يتزعزع ثقتو
ودماغو بهديك الأوقات بيخدعو و بيضخم حجم العوائق والاشياء يلي هو بيخاف منو

* متى تشكل تلك الأبواب حياة أحدهم
؟؟؟

عندما يستسلم بأرادتو للحالتين
وبيلغى وجودو وبيعيش ع هواجس الخوف
وصورة خيالية لحبيب مستحيل ان ينوجد على ارض الواقع

https://www.al2la.com/vb/2559437-post1140.html

صورة التعليق

طيب تاتي
كيف رمزة هذه الصورة إلى المقولة التي اشرتي إليها
؟؟؟

دكتورتنا قصدك هيدي اللوحه ؟؟ ماهيك ؟؟

هون قصدي بـــ الأوراق المتطايرة :-
مخططات حياتنا او جداول اعمالنا
احلامنا وأهدافنا في الحياة
او مواقع اشخاص عزيزين وغاليين عندنا
او بعض خصوصياتنا وخصوصيات احبائنا يلي ائتمنا عليهم ... او يمكن اسرار

والمحافظه عليهم لازم يكون بسد الباب يلي بيتطلع ع هيدول الاشيا
بالمعنى الحياتي : انو نداري ونخبي هالاشياء كرمال يتحققو ويصيرو واقع ملموس

* ما هي أهم الأوراق التي تحرص تاتي أن تغلق النوافذ جيدا بوجودها
؟؟؟

طبعا آوراق مخططاتي وأهدافي وآحلام حياتي
وآوراق خصوصياتي واسراري
وآوراق غاليين عليى وبيمثلو قوتي وسعادتي

آجاباتي ع آسئلات البارت الــــ 20 من آسئلات دكتورتنا الغاليه