09-16-21, 10:54 PM
|
#153 |
| آنثــى من عــالـــم الخيـــال | | | | | | | | | | | | | | | | الهوايه » السفر بين عالم المعرفه وروائع الطبيعه | | | | | | | | | | 
 |  | |  | | https://www.al2la.com/vb/2002338-post226.html
كم ساهم علمنا بالأشياء بخلق فرصة
؟؟؟
تقريبا نص نص
ساهم خلق عدد معقول من الفرص
النوم وتاتي
نريد أن نعلم تنظيم تاتي لأوقات نومها كيف يكون خاصة مع مشاغل الحياة والأسرة والأصدقاء والمنتدى
؟؟؟
بحكم أني من عشاق الليل والسهر فـــ رح نام متأخر
وبوعى بكير كرمال شغلي ... لهيك يوميا لازمني قيلوله
كرمال ارجع البالانس لحالي ولساعات نومي الضيعانه
إلى أي مدى تهتم تاتي بالبحث عن العلومة لتعلمها
؟؟؟
الى أكبر واعمق مدى لاني بعشق العلم والمعرفه
وهون بذكرلك مثال / ببداية تسجيلي قدمت بروكرام نقاش طبي
وقد مكان عندي باك كراوند ومتابعة طبية كبيرة
اغلب الأعضاء كانو بيفكروني طبيبة , بعدين وضحتلن أني مهندسة
أي نوع من المعلومات تحب تاتي البحث عنه
؟؟؟
أذا بدي حددلك دكتورتنا رح بتطول القصه
بس فيني قلك أنو عندي شغف ونهم كبير للبحث عن المعلومات وبشتى المجالات
مرات بلقط شي (كلمة) او (مصطلح) او (حدث) او (شخصية) او (مكان سياحي)
دغري بروح اعمول عليه search كثيف ومكثف لحتى افهمو بشكل دقيق
https://www.al2la.com/vb/2124893-post403.html
بس هناك اشخاص يا تاتي مافينا نستغني عنن مو هيك،، من هنّا
؟؟؟
آكيد غاليتي عطول في أشخاص كتير قراب مننا مافينا نستغني عنهن
بس بالنهاية الانسان رح يبقى لحالو
وفي أفضل الاحتمالات حتا لو كان عايش وسط أسرة كبيرة وعندو رفقات كتار
وبعد مايتزوج وينجب ويكبرو الولاد ... كلحدا بيروح في حال سبيلو او الظروف يبعدو
ورح يبقى الشخص وحيد ... لهيك لازم يعمر ويبني وطن لالو جوات قلبو
يعينو ع تقلبات الدني والبشر ,, ويؤنس وحدتو وحشتو
لهيك العبارة اجت بطريقه النصح ... انو رافق الكل ومضي معن وقت جميل
بس لسلامتك ولحمايتك ماتتعلق بحدا
تاتي متى يكون التمسك بالأشخاص قوة
؟؟؟
وقت هيدول الأشخاص بيعنولنا كتير
بيكونو أصدقاء أوفياء بمعنى الكلمه ... يزيدو من قوتك ويرممو تشققاتك وضعفك
وقتا بيستاهلو التمسك فيهم
هل تمثل تاتي طوق نجاة للأخريين
؟؟؟
بتمنى أني كون هيك دكتورتنا
وقد مافيى بحاول أني أكون هيك ... كرمال اقدر استمتع بأنسانيتي
مع أنو رفقاتي ويلي قراب مني بيقولو اني متل الطوق
بس بعتبر حالي بعد لازم أقدم واعطي أكتر وأكتر
فـــ الإنسانية مبدأ ومنهج وفرض واجب ع كل بشر
ومابيتحقق الا بالاحساس بمعاناة الاخرين ومشاركتهم
وقد المستطاع تحاول تساعدهم او ع القليل تخفف عنهم
التمسك بتاتي هل تمسك أحد بكِ وخذلتيه
؟؟؟
لاء ,,, هيدا من 7 المستحيلات غاليتي
للسبب يلي وضحتو بالجواب السابق
لو كان لأ،،، لماذا لا نتوقع أن هناك ناس يستحقون التمسك بهم
؟؟؟
أي دكتورتنا فعلا الجواب كان لاء
هو عنجد في ناس بيستاهلو التمسك فيهم
بس بيختلف درجة وطريقة التعلق من شخص للتاني
مرات هيدا الشخص المستحق بياخد مساحة كبيرة بقلب وفكر وروح الشخص الأول
وبغيابه (اذا كان بارادتو او الضروف او لا سامح الله المرض) غاب
فـــ الشخص الأول رح ينهار نفسيا وعاطفيا وفكريا
لهيك من الأفضل دائما عدم الافراط في المحبة والتعلق والتمسك
يعني الأفضل انك تتمسك بلاشخاص الاوفياء والقراب منك
بس مش لدجة أنهم يحتلو حيز كبير جدا في كيانك
فرصة أشخاص ،، لمن تُقال
؟؟؟
فرصة تجربة = مع عالم أثار او رحالة (لحتى تتعرف على الحضارة) و (تستمتع بأرض الله الواسعه الجميله والطبيعه الخلابه)
فرصة مرهقة= مع سياسي كاذب (تعرف أنو بيكذب وهو بيعرف حالو انو كذاب) ومجبور تتحملو
فرصة سعيدة= مع أشخاص يحبوك في الله ولله أصدقاء بمرتبة أخوات (المتحابون في الله)
فرصة تعيسة= مع البخلاء والحساد والحاقدين (بالمختصر مرضى نفسيين بارادتهم) لآنو مافي رجا منهم
فرص ولااا كل الفرص= مع أشخاص ناجحين يفيدوك ويستفيدو منك
فرصة في العمر لا تشبه كل الفرص " ما تكرر مرتين"= الالتقاء بتؤام روحك (آذا كان هيدا التؤام أخت او صديقة او زوج)
| |  | |  | | | | | | https://www.al2la.com/vb/2225811-post548.html
متى يكون البشر مجرد جمال غلاف
؟؟؟
عندما يكون شخص مفلس من جوا
ومكتفي يأما بجمال الشكل او بشهرة ولقب او بالمال
ومابيحاول يقوى جمالو الخارجي بجمال داخلي محورهم
جمال الادب والخلق والروح
يعرف الكتاب من عنوانه،، هل تكتشفين نوعية البشر بسرعة
؟؟؟
سبحان الله دكتورتنا ... أغلب المرات بيصيب توقعي وتخميني في الأشخاص
أنا غير انو عندي خبرة بهيدا المجال التعرف ع الأشخاص
كتر خير الله كمان حدسي بيساعدني كتير
(وهون بدي أحكيلك عن سر خطير ,,, يمكن كتار يخافو منو)
أنا أنسانه كتير شفافه وكتير روحانية واول شي بصادفو هني الأرواح
وتقريبا بحس بارواح الناس يلي قاعدين مقابيلي
ومابيفرق أذا كان لايف قدامي او يحكيني من ورا اللابتوب والجوال
بالنسبة للكتب أيهم تفضل تاتي
؟؟؟
الكتب التأريخية والحضارية وعلم النفس والروايات
اما في مجالات الفاشن او السياحة والهندسة او الطب
فـــ بستعين بــ المجلات والكتالوكات والاطلس
هل يغريكِ غلاف كتاب أم تتصفحينه قبل الشراء
؟؟؟
بأغلب الأوقات بتصفحو او ع القليل بقرا الفهرست يلا بشتريه
وباقل المرات بكون مستعجلة او العنوان بيلفتني بقوة فــ بشتريها دغري
ما رأيكِ بمن يمنع تصفح الكتب قبل قرأتها
؟؟؟
يمكن يكون الكتاب من الأساس سطحي وبلا عازه
لهيك البائع بيمنع المطالعة عليه قبل الشراء
ويمكن يكون الكتاب حرزان بس طبيعة البائع يكون جاف وبارد
ومش حابب يأخد ويعطي مع الناس
كيف يكون البشر حكمة كتاب
؟؟؟
_ أذا قدر كل يوم يتعلم شغلة جديدة او أسلوب جديد
_ أذا تعلم من دروس الحياة وحاول أنو يطبقهم
_ اذا قدر يحل مشاكل قبل استعصى عليه
- والآهم أذا قدر يفيد غيرو بالعلم او المعرفة او موهية يلي هو عندوياه
متى يكونون حماقة
؟؟؟
عندما يكونون نسخ مطابقة ومكررة من بعض
والأشخاص يلي لا رائي لهم ... والمتملقين والرئائين
لهيك مرح يعطوك أي فائده ,,, بالعكس رح يسحبو صوتك وقوتك
متى يكونون كل الخير
؟؟؟
أذا مارسو أنسانيتهم على وجهها الصحيح بقيمها وعمقها
ومافرقو بين البشر على حساب العرق والدين واللون والمناصب
ودائما الأقرب من الناس هو اقربهم من الله سبحانه وتعالى
ومتى يكونون الشر أو جزء منه
؟؟؟
عندما يحاولون تشويش وتشويه أفكار الاخرين
وتدمير قيمهم ومبادئهم
لا يوجد أحد شرير مطلق ولا خير مطلق،،، كيف تستغل تاتي بذور الخير لتميتها بشخص ما
؟؟؟
أصبتي دكتورتنا الغاليه
محدا طيب 100% ولا حدا شرير 100%
والانسان بطبيعته بيتغيير وممكن التأثير عليه والمحاوله معو
وأسهل أنواع الأشرار يلي ممكن التأثير عليه
هو شرير مابيعرف انو هو شرير ومؤذي
يمكن يمارس الشر كــ رد فعل (متل فيلم وشخصيه ملافيسنت)
يمكن يلي حواليه هم يلي يجبروه
اما أصعب انواع الأشرار هم يلي مابيعترفو ابدا أنو هم اشرار
هيدول المحاوله معهم متل مسك الماي من الغربال
وامرهم بأييد الله وحدو والقرآن مذكورين
بعض البشر مثل المطر أين ما وقع فع
رأي تاتي هنا
؟؟؟
واللهي دكتورتنا هيدا كلام كتير عاجبني
وعطول بحاول وبتمنى أنو ربنا يوفقني وأكون متل هيدا المطر
في دوري وتأثيري ع يلي حواليه
| | | | |
آجاباتي ع آسئلات البارت الــــ 22 من آسئلات دكتورتنا الغاليه
|
|
|
|