ذكريات
بداية في ناس سبحان الله عندها
شخصية قوية مجرد نظرة بتوصل
القصة والي بدها ايه فيها فكيف اذا
تحدثت؟! من اولئك الناس امي الله
يرحمها كانت قوية حتى ابوي الله يرحمه
ما كان يخاف من حدا غير منها
المهم ما علينا.
عمرها ما ضربتني الا مرة واحدة كف وما بنساه
كان عمري يمكن ١٤ سنة
اما حتت كف لا ينتسي
كانت بتحكي ومعصبة وانا قاعد
على الكرسي على رجلتين من ارجل الكرسي وهي
رحمها الله بتحكيلي اقعد زي العالم
وانا ولا عندي ولا عند بالي المهم اجت
خبطتني الكف أثر في كثير ليس لقوته
بصراحة كان متوسطة المدى لكن احاسيسي
ومشاعري مرهفة لا تتحمل
جعلتني اهرب خارج البيت المهم عدت بعد ساعة بصراحة
كان واضح على امي القلق وبعدها نظرت لي
وسكتت لكن واضح الفرح بداخلها على عودتي
يا ريت اليوم تعيش وتضربني مئة كف

ومن الذكريات الي ما بنساها مرة في آخر
شهرين من عمرها كنت مفلس ولازمني
عشر دنانير حكيت بروح بأخذ منها
روحت لكن الصحيح استحييت ان
اطلب منها وقررت اقعد معها واتحدث
وما اطلب وبعد ما خلصت القعدة
وانا مروح طلعت أمي عشر دنانير وحكت خذ
العشرة لولادك فسبحان الله لا تسألوا عن
حالي بتلك الحالة بصراحة شعرت بفضل
الله علي وشعرت بقلب الام أنا لم أطلب
لكن أقدار الله ساقت قلبها الي.
لا اريد الاطالة لكن
اشتقت لأمي والجلسات أمي وقهوة أمي