كيف المرض يرمي عزوم الرجاجيل
عقب الفتوة ينتكس تقل ..... شايب
سبوع طايح واشتكي طيحة الحيل
قامت تتالا مع مرضنا ..... المصايب
ناس تهد الحيل يا حيل .. ابا الحيل
ويا قلهم اللي نشد ليه ......... غايب
مرت ثلاث ايام ما نرقد ........ الليل
وثلاث معها ما نشوف ...... الهبايب
وزود علينا همنا داعج ......... الميل
اللي فقدنا وقال وين ....... الحبايب
لبيه ياللي حبكم ما هو ........ تمثيل
من فقدكم يمكن نزور ...... النصايب
غالي صحيح ولكن ما به . محاصيل
صعب نشوفه من الأهل ... والقرايب
لكن لعل بلحظة شالوا ......... الشيل
فرصة نشوف الترف زين ... الذوايب
القارظ العنزي