ماسكه معاي من زود الهواجيس الخنفشاريه
اعطيكم نبذه مختصره عن طفولتي البريئه
والله ماامدحني لان مادح حاله كذاب<احلفي

الموهيم ومالكم بالطويله تجيكم السوالف<<<<< اخلصي علينا

مدرى بتضحكون علي ولا بترحموني بس كنت بدرجه من السذاجه تقترب كثيراً من الغباء يمكن
عاد انتو بتقرروا بتقييماتكم وشو من لحيه كانت طفولتي

مثلاً لما كنت اشوف فلم والبطل او البطله يموتون بالنهايه
كنت اقول اكيد بيدفعون لهم فلوس واجد يسوون كل شي بنفسهم
ويشترون لبس واكل وسيارات عشان بيموتون ….
المشكله مو هنا المشكله لما بعد فتره اتفرج فلم واشوف الممثل اللي مات بهذاك الفلم
يمثل هنا تجيني ام الركب واقول اكيد هذا قرينه يسبه له بس
كيف علموه التمثيل؟ لا داعي للاشاده بذكائي

وشي اعظم عاد بتحبون راسي تقديراً لعبقريتي اللا محدوده

كنت احب وبجنون عمر خورشيد الله يرحمه
وش اطخم وش مملوح مزيووووووون بشهاده بنات جيلي
وحنا تونا بعميله وماتدرى حنا بنيات ولا عجيز

كل ما حضرت فيلم له وينتهي اسنتر ورا التلفزيون
ولا اتحرك حتي لو الحرب العالميه الرابعه دقت طبولها
ليش؟؟؟؟؟؟؟؟؟هنا عاد يجيكم علمٍ فاااااهي

استناه يطلع من التلفزيون عشان اسلم عليه واخليه
يوقع لي عشان اكشخ علي البنات اني اعرفه زين

بالله عليكم ترى السب مو زين وفي ملايكه تسجل ذباتكم
فرفقاً ببراءه والله ليتها دامت
ولا معاد احكي لكم عن اختراعات بمجال الطب سويتها علي
عصافير بحاله حرجه
انتظر تقييماتكم وثنائكم علي ذكائى الفذ
وبعدها استرسل ببقيه الذكريات المنصرمه

واستروا ما واجهتوووووو