يقول منهو يفهم الوقت وبخيص
للي تمنى حاجة ماتخصه
بالك تمنى لو تمنيك برخيص
ترى التمني غصة عقب غصه
ارضى بمقسومك ولو فيه تنقيص
لو جاك ربع اللي يجي الناس نصه
واسكن بجو ماتجيه القوانيص
وابعد عن المجالس قرب المنصه
وابعد عن الخفاش والبوم والنيص
وخل الاثر للي بخيص يقصه
وإن حدك الحظ الردي تاكل الشيص
وتشرب هماج وتنسدح بالمجصه
اخير من عيشة نعيم بتنغيص
حبل الرجاء بيدين مخلوق قصه
ومن لا يقيّس قبل ماينوي الغيص
سود الليالي بالمشاكل تخصه
ويصير بين الناس منبوذ ورخيص
ويصبح كما الخاتم ليا طاح فصه
دنيا كما البلوت تحتاج ترصيص
احد يفوز بجد واحدٍ برصه &