الشاعر: سليمان بن شريم:

وربعك الى بان الخلل فيك عافوك
اقرب قريب لك من الناس يشناك

ان كثر مالك اصدقولك وطاعوك
وان قل ما بيدك شانت حلاياك

لو تطلب الماء عندهم كان ما اسقوك
ابعد مزارك عن وطنهم ومرباك

وان طاب حظك اصدقولك وحبوك
وان بار كل ما يبي غير فرقاك

وهراجة المجلس الى جيت وروك
منازل تطرب نظريك بدنياك

والى قضوا منك اللوازم وخلوك
تفرقوا وانت احتمل لحل ما جاك

كنك سراج البيت للنور شبوك
واللي انقضى اللازام حد الربع طفاك