خليك جنبي ماتغيب عليا
راني رقيق العزم ياغاليا
خليك ديما وافي
كيف العسل للروح حلو صافي
ماتسيبني ع الجمر نمشي حافي
خلي امواجك دوم في شاطيا
ف مركب ابروحك ناقصك مجدافي
يارب مع ليام تقسم ليا
يامحبوب
خليك جنبي ماتخون الصوب
عشقتك وحبيتك بجد ونيه
بعد مانشوفك نرتخي ونذوب
كيف ذوبه السكر ف وسط اميه
ماتغيب وتودعني
راني رقيق العزم ماتفجعني
انت حياتي وراحتي النفسيه
صون الغلا...ونكمل معاك العمر وليك تحيه
اياك ياغالينا
ساعه اتعدي وماتسأل علينا
انت قمر وناس في ليالينا
مانتركك مادام عيني حيه
كاس المحبه من ايديك اسقينا
نارك اتلهلب ف الكنين قويه
ياسمح ف التبسيمه
حبك ملكني من سنين قديمه
يانور قلبي وجنته ونعيمه
انت النظر للعين وانت الغيه
النيه ابيضت والقلوب سليمه
ياورد ومنور اوقات عشيه