ليتك تحس بخاطري تعتني . فيه
من ضيقة بالنفس وانتم ... سببها
خليتني من عقبكم عيشتي .. تيه
نار تلظى بخافقي مع ........ لهبها
كنت احتريك تخفف النار يا هيه
اثرك حبيب وتجرتك من . حطبها
الله يعوض حبنا قل ......... واليه
ويسامح خل حسرتي . ما حسبها
كم ليلة نسهر بذكره ...... وطاريه
يوم الغوالي مقبلة مع ...... عربها
واليوم اشوفه مقفي وانشده ليه
هات العتب ارجوك يطفي . نشبها
كان الوفاء من سنتك وانت راعيه
واليوم اشوف النفس زايد غضبها
لو اعلم باللي تطلبه وانت . باغيه
أقدمه لارضاك وجفوتك ... سبها
فقط تكلم وانعش الروح .. يا بيه
قبل تحطم روحنا مع ..... عصبها

القارظ العنزي