. <{ مالومك ياللي غدى }>
أشعلت ضوي وقامت تهافت فيها الفراش
طال الليل ومنوة الروح مادري ويش فيها
قمت ارفع الصوت احس إن العقل طاش
وعندي رسالة مانيب لاقي اللي لها يوديها
مالومك ياللي غدى حظك طريح الفراش
عسى سود الليالي يأتي الفرج في تواليها
ومالوم المديون يحتاس لمن جاه المعاش
عطاه الديان ويرجع الدين أولها من ثانيها
لولا الحيا والخوف من الله صد وإنحاش
يتضور الجوع في حياته أيامها مع لياليها
الصبر مفتاح الفرج لمن عاش ماكنه عاش
ومن لا تجرع المر مستحيل يعرف حاليها
ياجاهل دونك الملة ياأبو العقل الخرخاش
كمد جسمك لا تولول وتقول ماعترف بيها
ترى تالي عمرك من الأبيض قطعة قماش
وتلفلف وسطها وفي القبر أعمالك بتلاقيها
واحذر تكون لأهل دينك او دنياك غشاش
لبد تلقى قدامك أفعالك اللي كنت جانيها
والختم صلوا عد الخلايق الواقف والماش
على النبي محمد سيد البشر للحق هاديها
الشاعر/ حمد بن فهد المخالده السبيعي