صبري تعدى الحد يا بوي قل لي
صبري نفذ ما عاد يقبل تحايل

ذريت ملح الحب لعيون خلي
ودمع القلم والعين والحبر سايل

بذلت له وقتي ومالي وكلي
وهو على قد التعب حلم زايل

كوده مثل ما ابذلت قام وْ بذلي
واسرف علي اسراف شيبان حايل

عجيب أمر الحب جعله يولي
يموت فترة ثم يحيى الوصايل

أقبل علي ايْدور حولي يهلي
يتكلم بْلهجات تشبه برايل

أقول ويقول وْ حصل ما حصلي
والعهد حل وْثاقه اشنى العمايل

متوليٍ أمري عذولي تولي
ليلي وصبحي في عثار وحبايل

تعبت من زود التعب والتبلي
وزاد شيب الراس كثر المخايل

حسّر بي وخلا هجومه مظلي
ما طلت حظي والبلى حيل صايل

لا صاحب اتْـوكا به وْلا تسلّي
ولا مالت الفرحة على بخت مايل

ولا مال عودي غير للي نصلي
وان كان ما به صبر يكفي جمايل



لبلبوني