وعليكم السلام ورحمة الله وبركاته،،

مافي شي اسمه قرادة ولا في إنسان مقرود

يمكن احنا تقولها لأنها بس جرت على ألسنتنا أو من باب المزح،، لكن أنا ما عندي إيمان فيها أو بمعناها،،

في شيء اسمه ابلتلاء،، وفي إنسان مبتلى،، والله ما يبتليك لمجرد أن يبتليك ولا يستقصدك لشخصك حاشاه،، أصلا مين أنت عشان يستقصدك جل جلاله !!

الابتلاء له مقاصد،، إما أنك بعيد عن الله أو مقصر والله يبيك ترجع له وتستغفر وتدل دربه،،

أو ابتلاء كابتلاء الأنبياء والصالحين،، فالله يبي يعلي درجاتك ويبي يرفعك في الجنة ،، وضريبة هذه الرفعة ابتلاء،، مثل الأستاذ إذا بغى يميز طالبه الذكي عن غيره خصه بسؤال صعب في الاختبار،، كذلك الله يبي يميزك عن غيرك من عباده فابتلاك ..