شوف حضرتك
تلك النوعية من الموضوعات
بتبحث عن المثالية في القول
في مجتمع غير مثالي بالفعل
عندما تختبره المواقف والظروف ....
انا لا آخذ بمثالية الافعال بالأقوال
ولكن أخذ فقط بتجارب حياتية مبنية علي واقع ....
قصدي مش هتلاقي اجابة واحدة ...
حتي لو الاجابة اللي في دماغك
واللي انا علي فكرة مقتنع بيها
وعارف اتجاه افكارك رايح لفين
وانت شايفها هي المنطق الوحيد الصح او البديهي ...
بدليل انك بتناقش اكثر من منطق في نفس الطرح...
بمعني وهكلم بلهجتنا معلش
انت لما بتسأل شخص
حابب تجوز مثلا زوجة بمواصفات ايه ..؟
فهيرد يقولك والله انا عاوزها كذا وكذا ..
لو سألت شخص قاعد تاني جمبه
هيقولك كلام مختلف ...
البيئة اللي اتبنت آرائك وتوجهاتك فيها هي اللي بتفرض عليك
المواصفات اللي بتختارها بشكل عفوي ..
والواقع غالبا ممكن يختار ليهم شخص تالت
لاسباب قدرية بحتة ... ليها حكمة
لأن مش كل اللي بنعوزه بنلاقيه
ومش معني اننا مالقنهوش دلوقتي
ان طريقنا تعيس...
وانا مش بقول هنا الواقع بيجردك من الاختيار
قصدي ان الاختيار احيانا هو اللي بيجردك من واقع قد يكون افضل ..
دايما لازم نحط في اعتبارنا ده ..
هنا نرجع لفكرة الفلوس ...
الست غالبا انطباع الامان الاجتماعي بيكون مأخوذ من والدتها ووالدها
واللي بيفصل بين احلامها وواقعها هو الخط ده...
معظم البنات في عصرنا بتكون مهتمة اكثر بتفاصيل سطحية بعض الشئ
نتيجة قلة خبرتهم او احتكاكهم بالواقع ...
يعني فستان فرحهم ... القاعة او ازاي هتنبسط هي واصحابها
فكرة اصلا انها تفكر فيما بعد الزواج ..ده خارج حساباتها في اوقات كتير ..
واحيانا بيمر عليها مرور عابر كدا ...
قليل من البنات بيفكر في كدا ...
وبالتالي الاهل بيكون ليهم الي حد ما رأي وتوجه ونقاش علي الاقل ...
انا بكلم هنا في الظروف الطبيعية او السوية في المجتمعات الشرقية ..
مش قصص الحب بين الست الغنية والرجل الفقير او العكس
بكافة اشكالها سواء هو رجل مكافح
او هي ست غنيه اختارته رغم فقره
وهو طلع شخص كويس لحظها ومش طمعان في فلوسها ..
او هو رجل غني واختارها من قاع المجتمع ..
الامثلة دي اللي بنختار منها قصص ونعرضها علي هيئة بوست
في الفيس بوك او نحولها مسلسل ..
عشان نشوف ازاي بينتصر الحب دايما
ده مجرد واقع مجتزء ... مش اصل تبني عليه
قصص الحب دي لو هي الواقع الدائم ..
ماكنتش هتمثل شئ جاذب وحالم للغالبية انها تتابعه ...
هو مجرد واقع بديل كتير بيطمح انه يعيشه ..
بس ظروفه غيره... بيئته غير ..
انه يتمرد فده خيار .. وانه يتأقلم فده واقع
الاستثناءات احيانا بتصنع قواعد بس مش دايمة..
القواعد بيتم ارثائها من نار المجتمعات اللي بتنشئ انواع من الفتن ..
واللي بيحميك من الفتن هي الاصول
والاصول المتعارف عليها مابتزعلش غير الشخص اللي عاوز يتمرد عليها ..
قصدي كل الطرق متاحة ...
مافيش اجابة هتريح ..
بس في تجارب هتعلم ..
وطريق لازم تاخده عشان يكون محطة في حياتك لشئ اهم ..