-
أتذكر يوم أشوفك وأشرق بصوتٍ دعاك
وأنت راحل في نصيب الغير ما عندك عذر
ما ذبحني الا صدك يوم تعطيني قفاك
وأنت مقبل صوب شخصٍ ما كتبلك لو شطر
ولا أنا ضيّعت عمري أكتب الشعر لرضاك
لين ما العالم قروني وإعرفوني فالشعر
كنت عمري وكل حاجه تشبه لفزة لقاك
وصرت يوم ضاع مني ما نقص منه عمر
شفتني تارك حياتي وشايل فعمري غلاك
وإنعميت في يوم صدك كن ما عندي بصر
جيتني في قلب خايف يشبه لخطوة جفاك
يوم ترجف في دروب البعد ما تقوى الهجر
ورحت مني وأنت ماخذ قلب ما يعرف سواك
ذنبه إنه صان قدرك وأنت ما عندك قدر.