هب النسيم وجاب ريحة بخورك

أخذني لأجمل سنين البدايه


الله كم اشتقت همسة عطورك

وانا أناظر صورتك في المرايه


كل شي يتلاشى بلحظة حضورك

أنسى غيابك واذكر إنك معايه


يكفيني اتخيلك لحظة ظهورك

مثل القمر زيَّن ظهورك سمايه


ويكفيني اللي لي وصل من شعورك

ونظرات عينك في عيوني كفايه


اشتقت أقرا ما كتبت بسطورك

وابادلك نفس الغلا يا غلايه


وأتوه واغرق في معاني بحورك

وأبحر معَ شعرك إلين النهايه


واسهر معك ليلٍ توشح بنورك

ليلة فرح أنسى معاها شقايه




سُهيل