شفت مقطع لشايب طريح الفراش
بمستشفى مكتوب ٤٠ سنه
يقول ان امه دعت عليه
وانه اصيب بسبب دعوتها بشلل
ويقول انها دعت عليه دعوه ثانيه
وصار مو متوفق بحياته
ولايفهم حتى القرآن حاول يحفظه ماقدر
~
طبعا العقوق يختلف وانواع
منها انك تقهر امك وهذا خطر
تقهرها في نفسك او في عدم طاعتها
في حاجاتها
اذا هو من النوع هذا
هنا صعبه صراحه كان عليه الاستدراك
وطلب رضاها حتى لو اصابت دعوتها
يطلب منها الدعاء له برضى
حتى يتبدل حاله ويرتفع عنه البلاء
ويكون في قادم أيامه افضل
مع انه شايب اكيد امه لو عايشه وصلت ٩٠
او ماتت
٠٠
مشكلتنا نفهم في المشاكل وفي الخصومات
لكن في مسائل الدين وكيفية الخلاص من الذنوب وتعديل السلوك
هذه صراحه احنا اغبياء فيها ~
والله سبحانه مو بنفس تفكيرنا
انه يغضب مثل غضب المخلوقات
لان المخلوق اذا غضب مايتحكم في نفسه
يلطش يسب يصير مجنون
لكن الله سبحانه حكيم رحيم حليم
ورحمته سبقت غضبه
ومايحصل من استجابه للدعاء عليك
هو بسببك انت انك لم تستدرك
واصدقاء السوء اللي تمشي معهم
يوهمونك انهم مايعطون امهم أي اعتبار
حتى تتأثر بهم وتكون عاق لاشعوريا