12-14-22, 11:08 PM
|
#1 |
| | | | | | | | | | | | | | | | الهوايه » فنون الأدب / السفر/ الفروسية/ الكراتيه | | | | | | 
عزائي دعوة أحبابي
هذا المسا ساكـن"ن" والدمـع للدفتـر
وانا وبعض الوجع والحزن وسهـادي
والعمر غصن"ن" تدلى من ورق أصفر
يبكي عليّ وانا ابكـي سيـرة بـلادي
من سكرة الموت لاجل أرواحكم احضر
من قال عادي غيابـي ماهـو بعـادي
يارب رحمتك كانـت الطـف وأكبـر
من حال بنت"ن" من الضيقه لك تنادي
كبـرت والعمـر ماكنـه ابـد يكبـر
طفله سرقني الهوا مـن لـذة رقـادي
انا النسايم وغيـث المـزن لا أمطـر
انا البيـاض وبقايـا سيـرة اجـدادي
يحبني الليل كيف العيـن مـا تسهـر
لاصار يهدي السكون غياب حسـادي
جدايل الهـم تظفرنـي وانـا أظفـر
بالشعر حزن"ن "عرفني يوم ميـلادي
خذانـي اليـم قلـت لخافقـي ابْحِـر
خابرك صيـاد تعشـق لـذة عنـادي
يخضر وادي قبل ترميـه كـان اقفـر
والشعر صيد وخفوقي فيـه صيـادي
اطيش واركض ولا عمري ابد احـذر
وشلون احذر وهـو يكتبلـي امجـادي
يكسر زماني خفوقي وسيـدي يجبـر
ياطيب حظي بلغت بطيبـه/ مـرادي
عزاي يوم المصاب ان خافقـي يذكـر
دعوة ابويه وضحكـة اصغـر اولادي
وعـزاي ان الاحبـه بالدعـا تمطـر
بالنور لين الضيا خيـم علـى فـوادي |
|
|
 |