عن أحزانِك وأحزان المفارق يا حياتي طبت
أنا مهما اتجهت بنظرتي ما عدتِ قدامي
نسيت إني عشقتِك عُمْر نسيت إني بغرامِك ذبت
كأني ما لقيتِك يوم وكنتِ مصدر إلهامي
نسيت احزان فُرْقَانا تناسيت الألم والكبت
وبديت أتعوَّد العيشة وبديت أحب أيامي
عن الماضي بكل ما فيه أنا بكل المشاعر غبت
كأنِك كنت لحظة طيف مرت داخل أحلامي
صَعُب إني أحس إن الغلا نزوة وأنَّي تبت
وإن أجمل عمر عشته أنا عايش بأوهامي
وشابت كل نزواتي وأنا أيضاً معاها شبت
وماتت كل طموحاتي وشيعت آخر أقلامي
للرائع ؛سُهيل