:



:





للحكم والحكمه هنا يا جود مشهود
مادام حلقي مثل ما حلق الزرافه

ياجود ماني ناكرك كيف انكر الجود
لاجيت اعد الوقت واحسب للمسافه

ما ارسلت فكري بالهوى يرحل مع النود
أحسب واعد الوقت لين آخر مطافه

شاعر واعرف النقص واعرف كامل الزود
يوم المشاعر تصطفق جهد وصلافه

لي فلسفه ما تعتدي في كل مقصود
ماسقت نفسي بالعنا صوب الحسافه

أقرى وأشوف الجور بيّن ماله احدود
بأهل السطور اللي تحمل بالكلافه

يتلون من عقله تحت غاويه ملحود
المجذب اللي ماحصل تمطر عجافه

والمشكله واللي يجيب الظيم والكود
باللي يصفق مادرى وشهو خلافه

واللي يمجد للخطا له ورد مورود
في زمهرير النار مايروى جفافه

العلم كايد والخبر ياجود معدود
من لاسمع به فالروى بالعين شافه

اللي يدور للنقا يحرص على الزود
مايشتري ويبيع في سوق المخافه

واللي تفرعن مورده مع ورد نمرود
واللي زرع له زرع ياكل من قطافه

مواسي.

1444/8/3هـ





.