1- بكل تأكيد جمالها ثم جمالها ثم جمالها ....لأن هدفي من الزواج مش عشان أكون أسرة أو عشان الطبخ والغسيل ومدري إيش ...!!...
وبرضو أختار الحلوة الجميلة لأن ماعندي استعداد أبصبص على الجمال اللي ماشي في الأماكن العامة أو الأسواق أو في القنوات أو في أي مكان ...
2- وبعد الجمال أتوجه للخطوة الثانية وهي :
اني أختار البنت اللي عايشة في بيئة كويسة داخل البيت .... يعني أقصد اني أجتهد في معرفة طريقة حياتها وحياة أهلها بشكل عام ....لأني ما أحب الحياة الفوضوية أو الحياة القائمة على حب المظاهر والفشخرة ...
3- وبرضو أختار البنت اللي أتوقع منها انها تهتم يعيالها .... لأن بعض الحريم تترك ولدها قدام الشاشة طول اليوم ولا تقوله عينك في راسك .....ونفس الحال مع الجوال والألعاب الإلكترونية ...بحجة انه راح يشغلها لو منعته ...
فأنا أتنازل عن أي حق لي كـ زوج مقابل اهتمامها بعيالها ...
4- وبرضو أختار موظفة .... مش طمع في راتبها أو عشان تصرف على البيت ....لكن كل في الأمر ان الظروف المادية محد يعرف كيف راح تكون ...يعني أختار الموظفة عشان تكون صمام أمان من الناحية المادية وقت اللزوم ...
.......