بعض الناس عنده خيال مقبول ...يعني المستمع له راح يتقبل خياله بجدية ...رغم ان العقل والمنطق يرفض هذا الخيال جملةً وتفصيلا ..
مثلًا : لو واحد عمل مصايب الدنيا ....وفجأة اعتدل حاله ....ومن شدة اعتدال حاله وندمه على اللي راح ..أصبح يتخيل ان نفسه اللي بداخل جسده ...انتقلت لجسد آخر جديد...وانه بدأ حياة جديدة في جسد جديد ...
طبعًا العقل والمنطق يرفض الشي هذا جملة وتفصيلًا ...لكن ممكن المستمع راح يتقبل خياله بجدية ...رغم علمه بعدم إمكانية حصول ذلك ..
السؤال :
هل أنت عندك خيال يتقبله الشخص اللي أنت جالس تفضفض له...مع العلم أن العقل والمنطق يرفضه ..؟؟...اذكره لنا ..؟.
وأعيد وأكيد : المطلوب خيال يحترم عقلية الشخص اللي أنت جالس تفضفض له ..
يعني لا تجي وحدة وتقول أنا جاي في خيالي ان عيني اليمين تطلع من راسي عشان تروح تراقب عيالي في غرفتهم وأنا جالسة مع الحريم في الصالة ...!!...
طبعًا هذي الحرمة من المفروض زوجها وعيالها يشفرون قناة سبيستون .....!!..
وبرضو لا يجي شخص ويقول أنا جاي في خيالي دائمًا ان الجزء السفلي من جسمي يروح لوحده للحمام ويرجع وأنا جالس في الغرفة أتصفح وأكتب في المنتدى ...!!
مثل هذا الشخص من المفروض يُحجر على خياله ويمنع من التخيل ...
المهم نعيد السؤال :
هل أنت عندك خيال يتقبله الشخص اللي أنت جالس تفضفض له...مع العلم أن العقل والمنطق يرفضه ..؟؟...اذكره لنا ..؟.