'
لازم بداية الزواج تحدث مشاكل
بسبب اختلاف الشخصيات والاهتمامات وممكن المجتمع
وتحصلين كل طرف يعاند ويبغى الطرف الاخر يتنازل
الزواج حلو
اذا انتَ متقبل اختلاف شريك حياتك
ومركز ع ايجابياتها واطورها للأفضل
لان صراحةً اكره المجلس الي يضج فيه انتقاد للازواج
وانتقد الي تظهر زوجها بصورة سلبية بس لانه رفض لها طلباً ما
الزواج حلو
لكن يبغاله امرأة فطينة وتعرف كيف تحتال
ولسانها يقطر عسل .. وتضبط ردة فعلها اذا زوجها عصب
ورجل يتفهم احتياج زوجته
بتقولون ليه ركزتي ع المرأة اكثر من الرجل ؟!
لان طبيعة الرجل مايتغير لان شخصيتة مكتسبة ويتاثر بشخصية المراة
وذكرت نقطة وحدا انه يتفهم احتياجها لان اذا تفهم
تنحل اغلب المشاكل والموضوع يبغاله صبر
صحيح المشاكل الزوجية الي نشوفها بالجوال او بالمجالس
تصدع براس .. لكن في خفايا ايجابية ماتظهر لنا
الزواج .. قرار مصيري يستند ع مسؤوليات مو فقط ترفيهات
الشخص الي يكون قد المسؤولية وجاهز سواء شاب او بنت يتزوج
وعندي مبدأ .. عامل زوجتك كانها صديقة وعامليه ك صديق
الحياة بتكون اسهل وتنزاح الحواجز
لان اذا عايشين ع مبدأ زوج و زوجة بتدخل فيها عادات مملة وتنسى مجال العاطفة
الزواج حياة حلوه ..
وقبل كل هذا توفيق من الله
الزوجة الحنونة الواعية الانتيكة رزق من الله
و الزوج الحنون حتى لو عصبي و كريم رزق من الله