من فترة كنت قريت كلام لشخص اعرفه
اعتقد اقدر اطلع منه تعليق مفيد ..

وهي الدواير اللي بتحكم حسن العشرة بين الزوجين
اللي هما .. دايرة الواجب ... ودايرة الفضل ..
ولازم نفرق جدا بين الاتنين قبل اي حاجة

بمعني
لو فرضا الرجل مر بضائقة مالية وزوجته ساعدته
فده نوع من الفضل ...
لما ربنا يفرجها علي الرجل وجواه افتكر
ان اللي زوجته عملته ده واجب عليها
فهو كدا تعدي غلي جزء من حقوق زوجته ..
ونزع جزء من الفضل بتاعها .. وده فعليا حرام ..
ونفس الأمر لو عكسنا الموضوع
في واجبات الزوجة تجاه زوجها ..

مشكلة مجتمعنا
انه بقا بيتعامل مع الفضل انه واجب
او الواجب انه فضل ..

يعني مثلا
واجب الرجل تجاه المرأة .. ان ينفق عليها وده جزء من قوامته
ان يعدل معاها وانه يحسن معاملتها ويرقق بيها
ويغير عليها ومايضرهاش ..
وده شئ أنت كرجل بتتحاسب عليه
وجزء من دينك ..مش فضل منك ..

فلو شوفنا ان شئ مثل تقبيل رأس الزوجة
او شكرها او مساعدتها من وقت للتاني
ده نوع من الرفق وحسن المعاملة
فاحنا ممكن نحسب الأمر انه في دايرة الواجب
مش شرط الانتظام في الفعل كروتين..
والا هيكون تصنع ..
بقدر انك تكون قادر تتفهم امتي زوجتك
تحتاج دعمك ومحبتك او شكرك ..

انك كزوج تعتبر الأمر ده فضل منك
فده جزء من انكارك لحقوق زوجتك ..

ومش شرط يكون تقبيل رأس زوجتك من وقت للتاني
او مساعدتها في شئ محدد يكون متعلق في دماغك بشكل واحد

اشكال حسن المعاملة والرفق كتير
وليها مساحات اكبر في حياتنا
احنا ممكن نتخيرها ونصنعها
من عشرة بتدوم لسنين..