جميلة القصة وأسلوبك جميل يا إرتواء
وفعلاً كان لازم يفكر كيف يسعد نفسه قبل ما يفكر بالآخرين

لكن وبصراحة في نوعية من المهرجين ما أتعاطف معاهم أبداً
وهم اللي يطقطقون على الناس ويسخرون منهم ويتنمرون
ويجرحون مشاعرهم
عبالهم كذا يمزحون ويضحكون ويفرحون الناس

كيف تجرح ناس عشان تضحك ناس وتحس نفسك طيب
وتحب الخير و هدفك إسعاد الناس !

هالفئة مستحيل أتعاطف معاها
أصلاً اللي الله يحبه هل راح يخليه مهرج وينسى نفسه ؟!

أذكر سمعت مقطع يقول لا تظهر التعاطف ل مثل هؤلاء الناس
لأن الله اطلع على قلوبهم وعلم مافيها فلا تحزن عليهم

احنا بطبيعتنا ك بشر أي حد يظهر بمظهر المسكين الحزين أو المظلوم
نتعاطف معاه على طول بدون تفكير
مع أنه يمكن يكون ظالم مو مظلوم بس نجح في تمثيل دور الضحية
ويمكن أصلاً يتوهم أنه ضحية ومصدق والناس صدقوا مثله

المظاهر خداعة

وبس والله ..حبيت أكتب وجهة نظري =)

~

يعطيك العافية ع القصة الجميلة
أبدعتِ