*



إليكم اغلب ابيات القصيده
والتي كان البيت اعلاه من ضمنها
كل بيت في هذه القصيدة ( ام مربيّة )
ومدرسة اخلاقية ادبيّة
كما انها تعبر عن كبرياء آدم الانسان ومروءته


*

ولجت الفجر ياليل الذهول اللي على اظلمت
بعرضك واقع الماضي عليّه عرض الافلامي

ولهتك يالنديم اللي على صافي وفاك اضرمت
بصفحة ذكريات العام واللي من ورى العامي

عطتني عزلة اخلاصي معك نسيان من نادمت
وكتبتك وانطوت صُحْفِي عليك وجفّت اقلامي

اباهي لا ابالي وآتبيسط كل ما قدمت
واشب النار قدام العرب واشيّد خيامي

نهاري حر شمسه يستحي منها لسان الشمت
وليلي ترجم نجومه ملامة كل من لامي

على ضي الكلام اللي قشع عنا ستار الصمت
عرفت ان به وجيهٍ باليمن ووجيه بالشامي

احسب انك تيمم بإتجاهي وين مايممت
واثر لا انته ورايه في الطريق ولا انت قدامي

كثر ماحن صدري للونيس وكثر ما درهمت
فجر صدري حنيني واتعب الاقدام درهامي

عيون الصد وعيون التجافي حول مهما اكرمت
تشوف المجتهد كسلان والبناي هدامي

مصيبه لا تردت قيمتك في عين من قيّمت
يشوفك في السهل وانته تشوفه في السما السامي

ما دام ان جانبي شام لجنابك وانت عني شمت
كِثْر خيرك وانا لانيب لاجايع ولا ضامي

اشوف انه علي واجب اليا مريتكم سلمت
مرور اكرام تربطها الكرامه عند الاكرامي

على شان الخفوق اللي علي عرشه قعدت وقمت
وحجب عَنْك الدجى لين اشرقت لك بيض الايامي

ختام السالفه يا طيّب العشره كرمت ودمت
هذا حقك علي وحق هقواتي علي اوهامي

مصير الوقت يشرح لك دروسة لو غفلت ونمت
يصحّيك الزمان اللي يصحي كل من نامي

تذكرني لامنها خابت اوهامك بـمـن وهّمت
وعرفت الفرق في حب الخشوم وحب الاقدامي


ملاحظة :
الابيات بالاحمر
قد تكون لوّنت بذلك
لانها تعنيني نوعا ما

..