06-08-23, 07:09 AM
|
#1406 |
| | | | | | | | | | | | | | | | | | الهوايه » القراءة بشكل عام وكتابة بعض الخواطر | | | | | | | | 
قبل عشر ذي الحجة بأيام،،
أفضل وأعظم ايام الدنيا عند الله،،،
وأرجى وأزكى أعمال الدنيا عند الله،،،
قبل هذه الأيام الخطيرة هنستعد ليها إزاي⁉️
الوضع في ذي الحجة قابل للاشتعال
في رمضان الشياطين كانت مصفدة
في عشر ذي الحجة الشياطين غير مصفدة
يعني احنا في مواجهة الشيطان مباشرة
يقينًا الشيطان في عشر ذي الحجة هيضاعف جهده،،
يقينًا عنده وحدة إدارة أزمات وطوارئ علشان المواسم اللي زي عشر ذي الحجة يجيب آخره فيها،،
طيب نعمل إيه أمام الشيطان⁉️
الشيطان جاء لسيدنا إبراهيم في هذه الأيام وحاول يُثنيه عن العبادة وعن الحج، فرجمه سيدنا إبراهيم،،
جه تاني رجمه،، وجه تالت رجمه،،
يعني الحجاج بيرجموا الشيطان بالجمرات وبالذكر
تقدر ترجم الشيطان إنت كمان في الأيام دي بالذكر، تقدر تحرقه
تقدر تاخد بثأرك من الشيطان؟
الشيطان بهدلنا يا جماعة
كتير ضيع منك قيام ليل وذكر، وكتير خلاك تبص للحرام وتدخل علي مواقع مش كويسة
وكتير وقعك في علاقات حرام ووسوس لك بحاجات غلط
علشان كده ليه بيُرجم في الحج 70 مرة؟
عدد شُعب الايمان من بضع وستين لبضع وسبعين شعبة، يعني تقريبا عدد شعب الإيمان
لازم هآخد بثأري منك يا إبليس وهشيلك من طريقي، من كل طرق الإيمان اللي عاوز أوصل فيها لربنا
أنا مش هسيب ولا طريق بيني وبين ربنا مسدود وهرجمك في كل طريق تجيلي فيه
هرجمك في كل طريق بيني وبين الجنة
وإن شاء الله هوصل لربنا بكل طرق الإيمان ومش هسيبك تضيعني في ولا طريق
الشيطان خطر⁉️
نعم للأسف
النبي صلى الله عليه وسلم يقول: (الشيطان يجري من ابن آدم مجرى الدم....)
يعني الشيطان عايز يحتل جميع جوارحك ويخليك في النهاية تعصي ربنا بكل جارحة وفي الآخر هيوصل فين⁉️
للقلب
علشان كدا قال النبي في النص الثاني من الحديث: (...وإني خشيت أن يقذف في قلوبكما شيئا)
يعني الشيطان ليه قذائف بس القذائف بتاعته بتيجي في القلب
قذيفة أنه يشككك في آية أو حديث أو يشككك في وجود ربنا وأنه يجيب وساوس في صدرك
قذيفة الشهوات والشبهات
الشيطان منشن علي القلب
طيب الذكر هيحرقه⁉️
اه هيحرقه
إزاي ناخد أتينشن ونستعد للذكر⁉️
أكتر أذكار بتحرق الشيطان:
أذكار الصباح والمساء
الإخلاص والمعوذتين 3 مرات صباحًا ومساء حلوة جدًا إنت كده نسفته
بسم الله الذي لا يضر مع اسمه شيء في الأرض ولا في السماء وهو السميع العليم،،
3مرات صباحًا ومساء.....
مش لازم تقول الأذكار كلها، اختار ذكرين بس وقولهم
واتعود من دلوقتي، احرقهم قبل عشر ذي الحجة؛ علشان تدخل قوي قصاده
ونستعد بأذكار المناسبات....
وأنت خارج من البيت تقول: (بسم الله توكلت على الله ولا حول ولا قوة إلا بالله، اللهم إني أعوذ بك أن أضِل أو اُضَل أو أظلِم أو أظلَم أو أجهل أو يُجهل عليّ(
دعاء جبار، تحس أنه رسالة مقدسة وأنت خارج من البيت،،
الشيطان يقول ما بالكم برجل كفي ووقي وهدِي،،
الشياطين تهرب منك على طول،،
طيب لو قلت الذكر وأنت داخل البيت
الشياطين تهرب وتقول لا مبيت لكم ولا عشاء
يبقى الذكر عند الخروج والدخول من البيت وركوب السيارة ولبس الملابس،،
الشيطان يهرب من الذاكرين لله
يبقى نحرق الشيطان ونحرق السحر والحسد من حياتنا، ونحرق مس الشيطان من حياتنا
"ربِ أعوذ بك من همزات الشياطين وأعوذ بك ربي أن يحضرون"
مجالس الصالحين📚 |
|
|
 |