مثل غيثٍ مر واقفى للرحيل
والمطر هتان لا برق ورعد

والسما ديمة مطرها سلسبيل
كل ما حولك يبشر بالسعد

أقبلت تمشي وبي أرضي تميل
وحبها في وسط خفَّاقي قعد

قبلها ما شفت في الدنيا جميل
وبعدها ما شافت عيوني بعد

لا تلفَّت في الوجيه وتستخيل
مثلها يا قلب ما تلقى أبد

وصفها مهما تحاول مستحيل
ما |يشابهّا|من العالم أحد

مرت وراحت مثل أحلام ليل
واتركت قلبي بعدها في كبد

خلَّفَتني بحبها مثل القتيل
وأبعدت عني ولا يمكن ترد

ودعت في صمت ما يشفي الغليل
لا سلام ولا كلام ولا وعد




لـ جرير