06-22-23, 08:15 AM
|
#98 |
|
ليت لي قدرة على سطوة زماني يا الزمان
والله لرجع عهد اول يوم كان الصدر طايب
ذي شواهدهم في قلبي حاضرة في كل مكان
يا حسافة على زمانٍ كان به أغلى الحبايب
ضيق قلب وعزلتي والحزن فيني على اللي كان
وهلت دموعي مع فقدي على الفرقى سكايب
وتهدني سود الليالي والحزن في الصوت بان
كل ما طمس فيني ذكرى تشبها ريح الهبايب
وهذا قلبي يضم خفايا ما تبين على اللسان
وكل واحد له من الأفراح و الأحزان نايب
ليت احظى بنعمة النسيان يا هذا الزمان
صار نومي عابر لشوفهم يخلق سبايب
//
|
| |