كلما قررت عن عينك أغيب
شي أكبر مِنِّي يجمعني معاك


ليه انا اخترتك من الدنيا حبيب
وأنت أصعب شي في الدنيا رضاك


ودي أفهم ليه تفكيري غريب
ليه قلبي ما تعلَّق في سواك


أعشقك من قلب رغم إنك مريب
مستحيل إنسان يفلح في هواك


تعشق الوحدة وإحساسك رتيب
والتّبسم ما عرف يوصل شفاك


كل هذا ما يهم وما يعيب
باتبعك يالَيْن أَوْصَل مُنتهاك


شي يقول إنك من الداخل رهيب
كلما حسيته أدمن في غلاك


والغموض اللي ظهر يقفاه طيب
كل هذا الغيم ما يحجب سماك


أنت صعب وجيت مَن يهوى الصعيب
بإذن ربي راح أروض لك جفاك


شفت عينك ودها لي تستجيب
ونبض قلبك كاد يكشف لي خفاك


أنا لجروحك ترى نعم الطبيب
يا دوا قلبي أنا عندي دواك


أنا حظك وأنت لي أحلى نصيب
خذني لصدرك أمانه يا ملاك



لـ جرير