أتفق مع أختي مسك الغلا .

في مواضيع دعوات الرجال لهم مكان خاص وعندنا مثلا تكون قاعة أو خيام أعراس ومعد يقدر الواحد يرسل دعوه للجميع . نعلق دعوه عند مداخل الجوامع والمساجد ويسوون دعاية على الوتساب حاليا واللي جا حياه الله واللي انشغل نعتبره حضر أعراس اخرى وأنشغل والدنيا سلامات .

أما بخصوص الحريم ذولا ما ينسون حد . يدعون اللي يريدونه فقط . فلانه وبناتها وكذا وكذا طالما مسويه دعوات لحضور الزفاف في قاعات أعراس. لأن الأعراس من جانب الحريم يصير فيها تصوير وشوية منقصات وعلى قولتنا شوية دحس حريم وتخريب وقيل وقال وطبعا القاعة بكبرها ما ناقص إبليس إلا يكتب عليها برعايتي من كثر التبرج والجنان اللي يجي من الحريم إلا من رحم ربك .

وبعدين لا تنسوا أن بعض الحريم يحضرن بدون دعوه عشان يختارن لأولادهن من الغزلان اللي فالعرس وإذا وحده عزباء شافت حرمه تدمحها وتفدي بنفسها وإنتي بنت من ؟ فهذا يعني تم الاستحواذ على الغزال لإبن الحلال وبعد شهرين تجي تخطب .

بالنسبة للبنت اللي ما جاتها دعوه اقترح عليها ما تحضر العرس أولا توفر فلوسها وثانيا لن تلحق شيئا ولن يفوتها شيء على قولة الزير سالم .

عزيمة عشاء أفضل من ربشة عرس في قاعه كلها رادارات . وبعضهن ينضربن بعيون بعد العرس .

المهم العرس قد تم حضرتي وألا طنشتي؟