ملَّت اللَّحظات من طُول الصَّبر
والفُرص ترفض لنا أَنْ تستجيب


كل يوم أنطر على نفس الممر
أتمنى عودتك لكن تخيب


لامتى وأنتِ على جُنح السفر
والفجر لو طال يرجع للمغيب


أتحدى اليأس وأبقى أنتظر
وعد بالعودة عسى حدسي يصيب


لين مآ أشرق من الظلما قمر
والسعادة تعبث بعقل اللبيب



جيتِ مثل العيد في زحمة بشر
والمشاعر في غيابك ما تغيب


يوم شفتك واقفة قلبي طمر
كدت أضمك لين ما قلبي يطيب


ودي أنظر فيك لين اشبع نظر
ودي اطفي شوق أشعلني لهيب



ليت ها اللقيا تشاركنا عمر
ليتنا نبقى كذا وأنتِ قريب


ما بقى في العمر فرصة للهجر
ما لنا في البعد حظ ولا نصيب





سُهيل