ودعتك الله ......... يالغلا
ياللي ما لي بكم .. نصيب
هذا نصيبي ......... والبلا
اللي حرمني من .. حبيب
كنتم عزايه ......... بالملا
يوم الملا كانت ... حريب
بوجودكم جوي ...... حلا
وان غبتم جوي ما يطيب
عزي لقلب .......... مبتلا
قلب تخالف .... والشريب
يوم المفالي ......... بالعلا
ريم الفلا عندي .... قريب
بين الفيافي ........ والفلا
نرقى على رجم الشعيب
قبل المصيبة ...... والجلا
كانت حياتي ... تستجيب
من ودعت طرش ... الكلا
عقب البوادي .. والخبيب
خف الغلا خف ....... الولا
واللي لمع أصبح . سريب
مجملا .............. مجملا
ما كل من يرمي . يصيب
القارظ العنزي