 |  | |  |
| وعليكم السلام ورحمة الله وبركاته
نبدأ بسلام ومرحبا فيك اهلين
يا شاعراً نور وهذا محفله
اكرمتني والحرف من بوحك معين
ما والله اسكت ولا يوم اتجاهله
واللي بعث آخر نبي المرسلين
ان الغلا صادق ولا هو نجّمله
والشعر مهما كان مشواري الحزين !!
الا عشان اللي بقلبي اثمله !!
احزن من دموع الفقد لـ الراحلين
هذي البيوت اللي بشوقي مثقله
انا حروف الصادقين الساكتين
البوح موته والصّمت يا مسهله
انا الشعور اللي في المعنى سجين
لا حرف جر جاني ولا به قلقله !!
هذي الحروف اللي بلا مستوطنين !!
من غيم إحساسي لحرفي منزله
بكيت والدنيا متاهة غائبين !!
ضحكت والدنيا بوجهي مقفله !!
*
أهلاً بشاعرنا / جاسم
صح بدنك يا نقي
اسعدني هطولك الرائع هنا
كل مودتي وتقديري لك . | |
 | |  |
الوله ..
الله يغليك ويعزك بالقول والطاعة ..
أتشرف طال عمرك وأبادلك الود والغلا والمعزة ..
صح لسانك وأبياتك صعب مجاراتها
شاعر جميل وقلم متألق بجماله وعفويته وتمكنه في ترويض الحروف
شهادتي مجروحة فيك يالراقي ..
سعادتي بتخصيص ردك الفخم لا توصف
لا خلا ولا عدم
تقبل عظيم أحترامي وأمتناني
بو محمد