ياهلا ومرحبا

انتي ظربتي على وتر يعانون منه الأغلبية
الله عز وجل يقول

( لقد خلقنا الإنسان في كبد )
مكابدة الأشياء ومعاناتها في هذي الدنيا
يعاني الإنسان من المشقة في طلب الرزق وإصلاح الحرث وتربية الابناء وغيرها كثير
احيان التراكمات هذي لها أثر سلبي على حياة الإنسان
الاغلب يعرف المثل اللي يقول
قلب لايبالي يعيش طويلا
احيان الإنسان من تراكمات هذه المشقه يدخل في دوامة حزن
مو طايق الناس ولا طايق نفسه
يدخل في دوامة غضب

عشان كذا الإنسان لازم يكون راضي وصابر ومحتسب
لأن الرضى بالنسبة لي اساس السعادة
فيه امور لو اتبعها الإنسان تهون عليه حياتة

الصلاة والأذكار وقراءة القرآن والدعاء والرضى والصبر
الصبر مع انتظار الفرج من اعظم العبادات

لاتنسى ان فيه شي يتربص فيك له ثلاث مداخل
والشي هذا هو اللي لاعب بأغلب صحت الناس النفسية

فإذا اتبع الإنسان المداومة على الأشياء اللي فوق تمنعه بحول الله وقوته من هذا المتربص

الشيطان
له مدخل على الإنسان وقت الحزن
وله مدخل وقت الغضب
وله مدخل بسبب اذى
مثل تكب ماء حار من غير ماتسمي بمكان تواجدهم وغيرها
ناهيك عن العين المعجبة والحاسدة والسحر

طيب وش دخل هذا بالصحة النفسية ؟

الاصابات الروحية هي أكثر شي يلعب في الصحة النفسية للإنسان

تلاقي الإنسان مزاجي.. مره يازينة ومرة ماودك تقربة
دائما الافكار سلبية والنظرة سوداوية وتشاؤمية
امور كثيرة نلاحظها بكثير من اللي حوالينا

بقولك كذا شغلة صارت معاي

واحد من العيال كان يصحيني من النوم عشان اخاويه صيد
كان ونيس لآخر درجة
فجأة الرجال اكتئب صار مزاجي وبس يشتكي من القولون
انطوى على نفسه
أدق عليه اقوله خاوني بنطلع صيد يقول ان شفتك رميتك وخر عني
انعزل عن العالم الخارجي
قلتله القولون ماعليك منه.. روح حلل فيتامين دال
حلل لقاه مره ناقص
اخذ الكورس وارتفعت نسبة فيتامين دال
ولكن نفس وضعه ماتغير
الآن هو معتقد انه كل شيء بسبب القولون
وصار يدور عند كل طبيب شعبي وبالصيدليات وبرى المملكة
عن علاج للقولون
آخر شيء قلتله تروح من نفسك ولا اوديك
قال فين قلت عند شيخ
قال اروح .. وادله ويطلع

يوم راح ورجع ويدق علي قال ابشرك عرفت علتي
قلت وش
قال حسد
يقول تقلبت عند الشيخ وصياح والله يكرمكم استفراغ
واستمر فترة
راح القولون وارتاح منه

ولو بقولك قصص كثيرة
اسبابها مو ضغوطات حياة
اسبابها تسلط شياطين