بدل البهذلة في السفر بالسيارة وقطع مسافات طوية ودفع مبالغ كبيرة في الأجار وغيره ...عشان أُسبوع ولا عشر أيام ... ثم بعدها ترجع للحر في مدينتك ..!!!..
الأفضل تجلس في البيت تحت المكيف البارد ...و دلع نفسك بالأشياء المتوفرة في منطقتك ....
ممكن واحد يجي ويقول : لا القصد من السفر هو تغيير المكان والروتين اليومي ومدري إيش ...!!
يا عمي كلامك هذا فقط لأنك شايف بعض الناس راحت تصيف في المناطق الباردة وأنت حبيت تسوي زيهم لأنك تحس ان ناقصك شي لو ما سويت مثلهم ...
بعض الناس الديون والقروض ذابحتهم ذبح ......ثم تلقاه ياخذ قرض عشان يسافر كم يوم ويرجع للحر ...!!!
الواحد وهو مسافر بالسيارة تلقى الشمس بين عيونه لين يصل المنطقة الباردة اللي هو قاصدها ...ثم يرجع ونفس الشي طول الطريق الجو الحار ....
بمعنى آخر : يوم يرجع من السفر تلقى لونه وشكله مقلوب من التعب والحرارة اللي موقدة فيه وهو راجع بالسيارة .. ...
ياحبيبي مالك إلا تنتظر البرد ...... وهو اللي فعلًا متعة بكل ما تعنيه الكلمة .....وخاصة ان معه أمطار ....بدل الخطوط اللي تضربها في الحر عشان بس تجلس في منطقة باردة ومحدودة ...!!!.