ياللي لقيت القاف صعب ..... وحساس
جاك اختبارك حين تبدا ........ اختباري
القاف مثل العرق والعرق ....... دساس
للي نوى بصقره يدور ......... الحباري
هون عليك السالفة .......... ما بها باس
كل وذوقه والليالي ............... عواري
يالمترفة اللي زهت ........ زين الالباس
هذي حياتي يالغلا ............ واختياري
ان قلت لا لا قلت يا زين ...... الانفاس
هد ي من روعك لا تزيد ........ العزاري
ترى الثقافة كلها نوع .......... واجناس
وعقولنا بين الستيرة ............. وعاري
حاول تستوعب وضعنا ياطيب . الناس
اقبل علينا واترك زود ............ المزاري
مبطي لو ودي انتقد زود ...... الافلاس
بينتها عند اللقاء ................ بالخباري
لكن وفايه يسبق النقد .......... والباس
حق المعايش يدفعن ............ للمداري
اصلح من حالك اجتهد صحصح الراس
بين لنا من فضلك بعض ........ المواري

القارظ العنزي