 |  | |  |
| عندي تفسير عام وتفسير أستنتاجي
التفسير العام ... الناس مبقاش عندها طاقة لأي حاجة
تصدقي بالله انا نفسي في البطاطس المحمرة بقالي ٣ ايام معنديش خولق اقشرها واتابعها لحد ما تتحمر مع اني كل يوم بعمل ٣ منيو للباشا والأولاد لان كل واحد فيهم له أكل خاص بيه
^ مجبورة في أرواح مسؤلة مني
لكن كل ما يخصني انا بقيت احذفة .. تقدري تقولي انا باكل الموجود ولو نفسي في حاجة وحاسه انها حتاخد مني وقت مش حعملها .
حتي الدليفري بقول هو انا لسه حطلب وابلغ أوردر وووووو
والله ما انا طالبه
يا بوكيه .. ولا بقي في جهد ولا طاقة ولا نفس لأي حاجة
ولعلمك دي حاله عامة في أغلب البيوت حاليا ومالهاش علاقة ب السن
بنات في عز شبابهم ويشكو نفس الشكوي
الأوضاع المادية الملخبطة في كل البيوت مخلية الناس مش طايقة نفسها
ف ازاي حيبقي عندها القدرة علي التواصل وعلي الزيارات ووووووو
المزاج عند الغالبية صفرررررر
اي خلل في ناحية ما مش حيتظبط إلا لو النفسيه اتظبطت
وعلشان النفسية تتظبط لازم البيوت يكون فيها استقرار من جميع النواحي
وانا في الحقيقة مش بلوم علي حد ابدااااا خاصة في الفترة دي
كل واحد عنده هم يهد بلد والله يعين كل واحد علي شيلتة
يا حتلاقي بيت فيه مريض دايخين بيه ووضعه منكد علي الكل
يا حتلاقي بيت فيه ضائقة مادية قاطمة وسط اصحابة
يا حتلاقي بيت فيه عيال الله يهديهم مطلعين عين اهاليهم
يا
يا
يا
^ خلاص أصبح لا مكان لوجود الرفاهية
الضحكة بقت تطلع بالعافية وخلاص بقي انسي الضحكة اللي من القلب دي
التفسير الإستنتاجي
بعد الكورونا خريطة كل البيوت بقي فيها خلل
والله في حاجة غريبة حصلت للناس كلها
هي أي معرفش .. بس اللي متأكدة منه أن الناس قبل الكورونا شيء وبعد الكورونا شيء آخر
مودتي لك بوكية 
. | |
 | |  |
أتفق معك في كل ماذكرتي
من جد الناس صار خلقها ضيق والله معك حق
وماعاد يعجبها العجب
وماعاد يرضيهم شئ
الكل عينه عند غيره
مافي رضا ولاقناعة
حروب نفسية بسبب الغيرة وعدم الثقة بالنفس
و الشعور بالفشل وعدم المحاولة للنجاح
بعض الناس تستهبل و ماخذين الحياة عبط
مافي احساس بالوقت ولا احساس بالعمر اللي يمر عليهم
كلو داخل في بعضو
كلامك كلو سليم ياست الكل
الكورونا لها سبب كبير في تغير الناس
أنا بقول كده برضو
واللقاحات غيرت عقول بعض الناس ومزاجياتهم ونفسياتهم
و زادت حساسيتهم و تقلباتهم المزاجية وعصبيتهم و تناقضاتهم و زادت الوساوس والقلق والتفكير بالمستقبل
ولكن الإيمان بالله و ذكر الله وأداء العبادات فروض ونوافل من الصلوات في أوقاتها وقراءة القرآن و الصيام والزكاة والصدقة.. تساعد على الشعور بالأمان والاطمئنان والاستقرار والتوكل على الله وحسن الظن بالله
ممتنة لحضورك المميز وإضافتك المميزة ياست الكل دائما متألقة في حضورك
أشكرك هيرا وأهلا وسهلا بك