شوفي الحياة في امريكا مثلا
الحياة بتدور حوالين كل شخص ونفسه
الآنا هي الحاكمة ..

ده بس انتقل لينا
وشفناه جذاب من غير ما نحس
لما شفناه في افلام هوليود ..

الحلم الأمريكي مثلا اللي بيراود شباب العرب
في اوقات كتيرة من حياتهم ..
بيبدأ بالاستقلال بعيد عن العائلة
في وقت ما واحنا بنقول ان الشاب
بعد سن 18 بيعتمد علي نفسه هناك
وبيشتغل وبيستقل عن اهله
ده شئ كان جذاب ...
وكنا بنكلم عليه بشئ من الخذلان عندنا هنا .
مع ان عندنا في وطننا العربي اصلا
عمالة اطفال وغيره ..
بس نهج المتعلمين بيختلف
لما بينسج في فكرة خارج محيط بيئته ..

بس في نفس الوقت الامر ده كان كذاب ..

بمعني احنا خدنا النمط كفكرة
اتثبتت في عقولنا جلدنا بيها نفسنا..
بس في نفس الوقت حابين الوضع بتاعنا
لما تمليه اجسادنا علينا من راحة ..
لما اهالينا مثلا بيتمسكوا بوجودنا بينهم ..
لاننا كنا ما بين حاجة بتنادي بيها الدين
واستقلالية بتقود العالم لطريق
نهايته مش واضحة ..

لأن مش معني ان الطريق سالك
ان اللي بيسوق معاه رخصة ومؤهل لده
حتي لو عداه مرة .

الفكرة اللي اتربت جوانا نتيجة لده
ان البعد عن الناس غنيمة
وده حصل في وقت واحد ..
لأن التغيير بقا اسرع مما نتخيل
اللي كان بيتغير في 100 سنة وممكن مانحسش بيه
بقينا بنحس بيه في عقد واحد
وبيأذينا ..
نتيجة العولمة ... وان العالم كله اصبح قرية صغيرة ..

دايما مؤمن بنظرية تأثير الفراشة
هزة جناح فراشة في امريكا
بيؤدي لزلزال في الصين مثلا

ليه الناس اتغيرت .
.صيغة السؤال ممكن تتغير

لهل انا كشخص اتغيرت ؟
ولا شايف فقط العيب اللي في المجتمع بسهولة ..
لأني زيهم .. مش اكتر ..
وعلي قدر ما انا بنقد الفردانية في الناس
علي قدر ما انا مندمج فيها دون ان ادرك

هل لو بكرة قلنا خلينا نجمع بعض
ممكن اثق في الناس بصورة اسهل
ونبقي اجتماعيين اكتر

ولا ..لأننا كلنا اصبحنا جزء من النظام
اللي بيدور بيه العالم حاليا ... وبقينا جزء من الدايرة
هحس بالغربة لما اشوف ناس مجمعة
لأن عيونهم هتقول ان حاجات كتيرة اتغيرت
جواهم صعب ان احنا نمسكها ..
بل هتخليهم بس يدركوا ان البعد كان افضل ..

لازم المؤثرات تتشال
عشان الادمان للأنا يقل الاول
فنحس اننا محتاجين لبعض ..