لأجل الغلا نطوي البيدا ونقطعها
مشاعر الحب لاعنت تعنيني
لا قلت لبيه من ثغرك وأنا اسمعها
نسيت بعد المسافة بينك وبيني
يا عشقه الروح يا خيره مطامعها
شوفتك عن باقي الدنيا تكفيني
محبتك من ثلاث سنين زارعها
في شهر سبعه سنة خمسه وتسعيني
وداعه منك وأنت اللي مودعها
تجري مع دم قلبي في شراييني
النفس تامر وأنا ماني بطايعها
الله عن النقد والمنقود يحميني
لو أن كبدي هجير الشوق لا يعها
أمر عطشان والشيمة تعديني
أم الدلع في ذرى شيخ مدلعها
زيزوم قوم علي الشدات قاسيني
شيخ ليا كبرت القاله يسنعها
ما هي بشيخة ختم وإلا ملاييني

الشاعر: سلطان الهاجري