أهم شي مسويلك اختبارات
وأنتِ أختبرتيه بعد ولا بس هو ؟!

تدرين لو حد يختبرني مثل هذا على طول بسحب عليه وأخليه يكرهني

المفروض أخلاقك شي لا يقبل الشك ولا النقاش حتى

يعني اللي يقبلك يقبلك واللي ما يبي يقبلك يروح يشوف غيرك
بس مو يسوي اختبارات كأنه شاك فيك وكأنك مسوية شي غلط
وكأنه هو الملاك اللي لازم يختبر غيره

إذا حسيتي أنه شكاك وسيء الظن
ولازم دايماً يختبرك ولازم تتكلمين وتشرحين عشان يفهم صح
اهربي منه لأن يمكن يكون عنده شك مرضي
أو مافي بينكم تفاهم وتوافق
كذا راح تتعبين وتتعذبين صدقيني
وممكن يقلب عليك بسبب شي عادي
وممكن يتوهم أشياء غير موجودة ويأذيك

في العلاقات الصح ولما الشخصين يكونون مناسبين
ما يكون في شك ولا سوء ظن ولا اختبارات
لأن من البداية يصير في تفاهم وتوافق
يعني عارفين بعض وفاهمين بعض زين وما يحتاجون يشرحون ولاشي
ومحد يحتاج يثبت أي شي للثاني

في عبارة سمعتها وعجبتني تقول :
" الحب هو التصديق بلا سؤال "

شوفي نفسك تقدرين تصدقينه بدون سؤال ؟
وهو يقدر يصدقك بدون سؤال ؟ ولا لا


أنا بصراحة لا أؤيد علاقة الزملاء
لأن ممكن تصير مشاكل بسبب العمل
أحسن لما يكونون الناس اللي في العمل بعيدين عن حياتك الخاصة

لكن مع هذا أقول استخيري والخيرة فيما اختاره الله لكِ

موفقة إن شاء الله