الموضوع: ياقلــب لاتحــــــــزن ولا يغلبك ياس
عرض مشاركة واحدة
قديم 09-02-23, 08:52 PM   #1
أوتار الأمل

الصورة الرمزية أوتار الأمل

الحاله »  أوتار الأمل غير متواجد حالياً
رقم العضوية »  25726
التسجيل »  19-10-2022
فترة الإقامه »  574 يوم
آخر زيارة »  05-13-24 (01:10 AM)
المشاركات »  23,180
الجنس » 
السمعه »  أوتار الأمل لديه قدره مذهله في النشاط

الأوسمة و جوائز

افتراضي ياقلــب لاتحــــــــزن ولا يغلبك ياس


الكون موحش والمسا فاقد احساس
والهم ينسج مـن خيالـي قصيـده

اكتب همومي بالقلم فوق قرطـاس
وارسم معانات الجروح الجديـده

القلب وش خلاه مخنوق الانفـاس
بين الضلوع العوج ينزف وريـده

الا الفراق وغربة النـاس للنـاس
وبعض السوالف والعلوم المكيـده

يا قلب لا تحزن ولا يغلبك يـاس
ارتاح واستبشر بلحظـه سعيـده

اقولها يـا قلـب لابـاس لابـاس
لا تقهرك سـود الليالـي العنيـده

اللي ذكر طيبي على العين والراس
واللي تجاهلنـي تجاهلـت سيـده

ماهمني من باعنـي دون مقيـاس
عزيت نفسـي والامانـي بعيـده

انا كذا طبعي مع كـل الاجنـاس
القلـب عزيتـه وشديـت قـيـده

حوله من الاضلاع حطيت حراس
تحميه من غدر الليالـي الشديـده

اللي يذوق الغدر صافي من الكاس
لابـد يتعلـم وعلـمـه يفـيـده

ضويت لي في سود الايام نبـراس
يهدي حياتـي للـدروب الرشيـده

محشوم فكري عن تفاكير الادناس
نفسي عن الهفوات دايـم زهيـده

واللي يحاول يسرق اللولو والماس
ماطالته عينـه ولا طالـت ايـده

يبطي ويشهر للبشر ذل الافـلاس
لابـدد اموالـه بيفلـس رصيـده

ماكل صيد يجيبه الحـر قرنـاس
يموت بالرمضا ولاهـو يصيـده

واللي يحاول يكسر الراس بالفاس
مثل اللذي بيـده يكسـر حديـده

كتبتها جمله انـا بيـن الاقـواس
لا تقرب النيـران جسمـك تبيـده

اعوذ بالرحمن مـن كـل خنـاس
من الوسـاوس والحيـاة البليـده

يا وجد حالي كل ماهب نسنـاس
سافـرت بافكـاري لدنيـا بعيـده

اتذكر اللي غاب من خيرة النـاس
اللي وصوفه فـي خيالـي فريـده

محشوم وافي طيب العرق والساس
بين البشر مافيه شخـص نديـده

نسله من الاحرار والعرق دسـاس
رحل عن الدنيـا بساعـه نكيـده

الله يكسي جسمه الغـض بلبـاس
من سندس الفردوس حله جديـده

بصبر على فرقاه والقلب حسـاس
حياتنـا ماجـت علـى مانريـده

هذي النهايه تنكتب فوق قرطـاس
ارسلتها عبـر الاثيـر بقصيـده
~

لـِ شاعرها ..


 

رد مع اقتباس